गोरखा समाचारदाता
गोरखा – नेत्रबिक्रम चन्द नेतृत्वको नेकपाको गतिबिधिमा संलग्न रहेको आरोपमा प्रहरीले एक व्यक्तिलाई नियन्त्रणमा लिएको छ ।
मंगलबार सदरमुकामको हरमटारी चोकबाट पक्राउ परेका ४८ वर्षीय रोहित पन्त रहेको जिल्ला प्रहरी कार्यालय गोरखाका डिएसपी मित्रबन्धु शर्माले जानकारी दिए ।
उनलाई विभिन्न सार्वजानिक अपराधमा संलग्न रहेको प्रहरीले आरोप लगाएको छ । बुधबार सार्वजानिक अपराध ऐन अन्र्तगत १० दिन म्याद थप गरी अनुसन्धान सुरु गरिएको डिएसपी शर्माले बताए ।
यस अघि राजद्रोह मुद्धामा असार १० गते पक्राउ परेका पन्त साउन २ गते ५ हजार धरौटीमा छुटेका थिए । त्यसपछि पनि सरकारद्धारा प्रतिवन्धित विप्लव नेतृत्वको नेकपाका विभिन्न गतिबिधिमा संलग्न रहेको आरोपमा लगाइएको छ ।
