गोरखा समाचारदाता
गोरखा – जिल्लाको विभिन्न स्थानमा भएको सवारी दुर्घटनामा परी १ जनाले ज्यान गुमाएको छ भने २ जना गंभिर घाईते भएका छन ।
बारपाक सुलिकोट, गोरखा नगरपालिका र शहिद लखन गाउँपालिकामा सवारी दुर्घटना भएको हो ।
गएको बुधबार र बिही साँझ सम्म भएको ४ सवारी दुर्घटना हुदा नवलपरासीको रामग्राम नगरपालिका ११ घर भएका ३० बर्षिय जगदिसप्रसाद चौधरीको ज्यान गएको जिल्ला ट्राफिक प्रहरी कार्यालय गोरखाले जानकारी दिएको छ ।
बिहीबार चौधरीको बारपाक सुलिकोट गाउँपालिका ८ को गैरी छापमा भएको सवारी दुर्घटनामा ज्यान गएको हो । ग.१ त ४०३७ नम्बरको ट्याक्टर लिएर धारापानी तर्फ जादै गरेका चौधरी सहित ट्याक्टर १०० मिटर तल खस्दा घटना स्थलमा नै मृत्यु भएको थियो ।
त्यस्तै गरी बिहीबार नै गोरखा नगरपालिका ११ को १५ किलो भन्ने स्थानमा एम्बुलेन्स र २ वटा मोटरसाईकल एक आपसमा ठक्कर खादा मोटर साईकलमा सवार २ जना गंभिर घाईते भएका छन ।
गोरखा बजार तर्फ आउदै गरेको ग. १ च ९८८५ नम्बरको एम्बुलेन्स र गोरखा बजारबाट जादै गरेको बा. ७६ प ६९११ र बा. ६७ प ८७९३ नम्बरको २ वटा मोटर साईकल एक आपसमा ठोकिदा पालुङटार नगरपालिका १ खोप्लाङ्ग निवासी २४ बर्षिय राजकुमार श्रेष्ठ र ४२ बर्षिय राजेन्द्रकुमार श्रेष्ठ गंभिर घाईते भएका छन । उनीहरुलाई बिहीबार नै थप उपचारको लागि भरतपुर लगिएको र सघन कक्षमा राखेर उपचार भई रहेको जिल्ला ट्राफिक प्रहरी कार्याल गोरखाले जानकारी दिएको छ ।
सोही दुर्घटनामा परी सोही स्थानका ५० बर्षिय ईन्द्रकुमार श्रेष्ठ र २२ बर्षिय सुसिल श्रेष्ठ समेत घाईते भएका थिए । उनीहरुको पनि चितवनमा उपचार भई रहेको छ ।
त्यस्तै गरी बुधबार शहिद लखन गाउँपालिकाको बुंकोट देउरालीमा गोरखा बजारबाट बिरामी लिएर गएको ग. १ ज ७२८० नम्बरको ईको भ्यान दुर्घटना भएको । राती २ः३० बजे भएको उत्त घटनामा परी ३ जना सामान्य घाईते भएका थिए ।
बुधबार नै गोरखा नगरपालिकाको १२ किलो क्षेत्रमा भएको दुरर्घटनामा परी मोटर साईकल चालक घाईते भएका थिए । गोरखा बजार देखी भच्चेक तर्फ जादै गरेको ना. ४ ख १४१० बस गोरखा बजार तर्फ आउदै गरेको ना. ४९ प ५९० मोटरसाईलक ठोकिएको थियो ।