गोरखा समाचारदाता
गोरखा – गोरखाको उत्तरी क्षेत्रमा हुने अबैध चोरी निकासी नियन्त्रणका लागि पहिलो पटक मेटल डिटेक्टर प्रणाली बाट चेक जाँच सुरु गरीएको छ ।
सर्व साधारणहरुको चेकजाँचमा सहज होस भनेर गोरखा प्रहरीले पहिलो पटक जगतमा मेटल डिटेक्टरबाट चेकजाँच सुरु गरेको हो । ‘चेक जाँचका क्रममा सबै सामान निकालेर हेर्दा ढिला हुने र सर्व साधारणलाई सास्ती पनि हुन्छ । सहज र सरल तरिकाले चेक जाँच गर्नका लागि मेटल डिटेक्टरबाट चेकजाँच सुरु गरीएको’ जिल्ला प्रहरी कार्यालय गोरखाका प्रहरी उपरिक्षक ओमप्रसाद अधिकारीले बताए ।
उत्तरी क्षेत्रको जगतमा प्रहरीले पहिलो पटक यो प्रणाली मार्फत चेकजाँच सुरु गरेको हो । यसले धेरै संख्याका सर्व साधारणलाई सहज तरिकाले सहजै जाँच गर्न सकिन्छ । उत्त क्षेत्रबाट अबैध रुपमा सुन तस्करी हुने भए पछि प्रहरीले यो प्रणाली लागु गरेको हो ।
यो प्रणालीबाट शरिर तथा सामानको कुनै पनि भागमा लुकाएर ल्याएको मेटललाई डिटेक्ट गर्न सहज हुने गर्दछ ।
जगत मनास्लु पदमार्गमा पर्दछ । यो मार्ग भएर स्वदेशी तथा विदेशीहरु दैनिक रुपमा आवत जावत गर्ने गर्दछन । विगतमा यही बाटो भएर चिनबाट सुन तस्करी हुनुका साथै उत्तरी गोरखाको पुरातात्वीक सामाग्रीहरु समेत अबैध ओसार पसार हुने गरेको छ ।