गोरखा समाचारदाता
तनहुँ – तनहुँको आँबुखैरेनीमा एउटा बसले अर्को बसको पछाडी भागमा ठक्कर दिदाँ ९ जना घाईते भएका छन ।
आईतबार दिउसो ११ः५० बजे आँबुखैरेनी गाउँपालिका ५ को गाउँपालिका चोकमा डुम्रेबाट आँबुखैरेनी तर्फ आउदै गरेको बसले पछाडीबाट ठक्कर दिदाँ ९ जना घाईते भएको हो ।
आँबुखैरेनी प्रहरीका अनुसार डुम्रेबाट आँबुखैरेनी तर्फ आउदै गरेको लु. १ ख ४१९५ बसलाई सोही दिदाँबाट आएको ग. १ प १८५ नम्बरको पर्यटक बसले ठक्कर दिदाँ गोरखा धुवाकोट घर भई हाल जिल्ला चितवन रामपुर बस्ने वर्ष २४ की सम्झना परियार, स्याङजा फेदिखोला गाउँपालिका ३ बस्ने वर्ष ७५ को ज्ञान बहादुर रानाभाट, चितवन भरतपुर महानगरपालिका १५ बस्ने बर्ष ३८ को अमृत परियार, तनहुँ बन्दिपुर गाउँपालिका ५ बस्ने वर्ष ६४ को लिला प्रसाद लामिछाने, निजको बुहारी वर्ष ३० की सोभा लामिछाने, रुपन्देही बुटवल ३ बस्ने वर्ष ७४ को खड्क बहादुर गुरुङ, म्याग्दी दर्बाङ ५ बस्ने वर्ष ८० को दल बहादुर पुन, लम्जुङ मध्यनेपाल नगरपालिका ४ बस्ने वर्ष २ की पल्पसा घिमिरे र तनहुँ बन्दिपुर गाउँपालिका ६ बस्ने पञ्च बहादुर गुरुङको छोरी १ महिनाको एपिसा गुरुङ घाईते भएका थिए ।
घाईते सबैको आँबुखैरेनीमा रहेको छिम्केवरी अस्पतालमा उपचार भई रहेको छ । प्रहरीले दुवै बसका चालकलार्य नियन्त्रणमा लिएर अनुसन्धान थालेको छ ।
