गोरखा समाचारदाता
पोखरा – पोखरामा ३ वटा प्रदेशका कफी ब्यवसायीहरुलाई कफी उद्यमशिलता विकास तालिम सञ्चालन भएको छ ।
नेपाल सरकार राष्ट्रिय चिया तथा कफी विकास बोर्ड पोखराको आयोजनामा ब्यवसायीहरुलाई तालिम सुरु गरीएको हो ।
३ दिन सम्म चल्ने तालिममा गण्डकी प्रदेशका साथै प्रदेश ३ र ५ का गरी २५ जना कफी उद्यमीहरुको सहभागिता रहेको बोर्डले जानकारी दिएको छ ।
कफी क्षेत्रमा संस्थागत रुपमा आबद्ध कफी सहकारी, कफी ब्यबसायी, क्याफे संचालक र त्यसमा कार्यरत प्राबिधिकहरुको सीप बिकास तथा क्षमता अभिबृद्धि गरी ब्यबसायिक उत्पादन, गुणस्तर सुधार तथा कफी उधोगको बिकास र बिस्तारमा टेवा पुर्याउने गरी तालिम सुरु भएको छ ।
तालिमको गण्डकी प्रदेश सभा सदस्य राजिब पहारीले उदघाटन गरेका थिए । कार्यक्रममा भूमि ब्यबस्था कृषि तथा सहकारी मन्त्रालय गण्डकी प्रदेशका सचिब अच्युत प्रसाद ढकाल, पोखरा मनपा ५ का वडाध्यक्ष धनबहादुर नेपाली, पोखरा चेम्बर्स अफ कमर्सका अध्यक्ष किसान सुनार, बागबानी अनुसन्धान केन्द्रका बैज्ञानिक श्याम पौडेल, प्रमुख प्रशिक्षक डा. राजकुमार बन्जरा, क्यु ग्रेडर निमा शेर्पा, कफी ब्यबसायिक महासंघका केन्द्रीय कोषाध्यक्ष आनन्द सुबेदी, कफी क्षेत्रका अग्रणी उधोगीहरु, बिभिन्न जिल्लाका कफी सहकारी संघका अध्क्षय लगायतले आ–आफ्नो धारणा राखेका थिए ।
