गोरखा समाचारदाता
गोरखा – नेपालको भूमि भारतीय नक्सामा राखिएको बिरोधमा आज (शुक्रबार) गोरखामा बिरोध प्रर्दशन गरीएको छ ।
सत्तारुढ नेपाल कम्युनिष्ट पार्टी (नेकपा)को युवासंगठन र बिधार्थी संगठनले सदरमुकामको लोकतान्त्रिक चोकमा बिरोध प्रर्दशन गरेको हो ।
अनेरास्वबियु र युवासंगठनले आयोजना गरेको बिरोध कार्यक्रममा तत्काल नेपालको भूमि भारतीय राजनीतिक नक्साबाट नहटाए चरणबद्ध संर्घषमा उत्रने चेतावनी उनिहरुले दिएका थिए । बिरोधसभामा बोल्दै बिधार्थी तथा युवा नेताहरुले भारतीय बिस्तारबादले नेपालको लिम्पियाधुरादेखि लिपुलेकसम्मको भूमि अतिक्रमण गरी नेपालको सार्वभौम अखण्डता माथि ठाडो हस्तक्षेत्र गरेको भन्दै तत्काल कुटनीतिक पहल मार्फत सच्याउन सरकारसंग माग पनि गरेको छ ।
भारतले एकतर्र्फी रुपमा नेपालको भूमि समेटेर नक्सा सार्वजनिक गर्नु नेपाल माथी सार्वभौमिक अखण्डता माथीको हस्तक्षेप भएको भन्दै नेपाली जनताले त्यसलाई कुनै हालतमा स्विकार गर्न नसक्ने बताए । उनीहरुले सन् १८१६ को सुगौली सन्धिको धारा ५ अनुसार लिम्पियाधुरा कालिनदीको मुहान भएको र काली नदीलाई नेपाल–भारत सिमाना मानिएकाले उक्त भु–भाग नेपालको भएकोमा कुनै दुबिधा नरहेको समेत बताए ।
बिरोधसभामा अनेरास्वबियुका अध्यक्ष सन्जिब थापामगर, बिधार्थी नेता प्रबिण श्रेष्ठ, राजन आलेमगर तथा युवासंगठनका बालकृष्ण परियारले कोेण सभामा बोलेको थिए ।
