गोरखा समाचारदाता
गोरखा – पोथी लामखुट्टेबाट सर्ने डेंगु रोग संगै अहिले स्क्रबटाईफस पनि देखिन थालेको छ ।
राजधानीमा रहेको शुक्रराज ट्रपिकल तथा सरुवा रोग अस्पतालका चिकित्सक स्क्रबटाइफसका कारण ज्वरो आएका बिरामीको सङ्ख्या बढ्न थालेको छ ।
अस्पतालमा अहिले स्क्राबटाईफसका विरामीहरु दैनिक ८÷९ जना जचाउन आउन थालेका छन् । चिकित्सकहरुका अनुसार डेङ्गुको आशङ्कामा उपचार गर्न आएकाहरूको रगत परिक्षण गर्दा स्क्रबटाइफसको सङ्क्रमण देखिएको हो ।
डेङ्गुका पुराना बिरामीहरु फलोअपमा आउने क्रम भने बढिरहेको छ । स्क्रबटाइफसको छुट्टै परीक्षण टेकु अस्पतालबाहेक अन्य अस्पतालमा गर्ने गरीदैन । पछिल्लो समय यसको सङ्क्रमण बढेकाले सबै अस्पतालले पनि डेङ्गु सँगै स्क्रबटाइफसको पनि परीक्षण गनुपर्ने चिकित्सकहरुको सल्लाह छ ।
स्क्रबटाइफसको सङ्क्रमण पशुमा लाग्ने किर्ना र मुसाबाट मानिसमा हुने सङ्क्रमण हो ।
स्क्राबटाइफस कसरी थाहा पाउने र कति दिनमा निको हुन्छ ?
चिकित्सकका अनुसार स्क्राबटाईफस हुदा ज्वरो आउने, बढी पसिना आउने, टाउको दुख्ने समस्या देखिने गर्दछ । नियन्त्रणका लागि ५/७ दिनसम्म एन्टिबायोटिक नै प्रयोग गर्नुपर्छ । एन्टिबायोटिक प्रयोग गर्न सुरु गरेको ४८ घण्टा मै ज्वरो नियन्त्रण हुने गर्दछ ।