गोरखा समाचारदाता
गोरखा – गोरखाको पालुङटार नगरपालिकामा ‘गोरखा भूकम्प’ले क्षेति पुरयाएको घरहरुमा प्रवलिकरणको काम शुरु भएको छ ।
भारत सरकारद्धारा सहयोग प्राप्त नेपाल आवास पुनःनिर्माण परियोजनाले औपचारिक रुपमा पालुङगटार नगरपालिकामा प्रवलीकरणको कामको थालनी गरेको परियोजनाका सूचना अधिकारी तारा ढकालले बताईन । ‘गएको शुक्रबारबाट घर प्रबलिकरण कार्यको थालनी गरिएको’ बताईन । उनले ‘पालुङगटारको बोहरा गाँउ स्थित बिमला लामाको घरबाट प्रबलिकरण सुरु गरिएको’ बताईन ।
प्रवलिकरण कार्य शुरु गनुपूर्व परियोजनाले प्रवलिकरण गर्ने नमुना घरको समेत प्रदर्शन भएको जानकारी दिइन । प्रर्दशनीमा नगरपालिकाका मेयर दिपकबाबु कँडेल र उप मेयर पम्फा बसेलले अवलोकन गरेका थिए ।
घरको अवलोकन गर्दै नगर प्रमुख कँडेलले निजी आवास पुनःनिर्माणको गति वढाउन प्रवलिकरण कार्यले विशेष भूमिका खेल्ने विश्वास ब्यत्त गरे । नगर प्रमुख कडेंलले प्रवलिकरण भईरहको घरका घरधनीसंग छलफल समेत गरेका थिए ।
परियोजना कार्यालयले ०७२ सालको बिनाशकारी भुकम्पले क्षति पुरयाएको पालुङटार नगर पालिका भित्रका १ हजार भन्दा बढि घर प्रवलिकारण गनुपर्ने जानकारी दिएको छ ।
बोहरा गाँउमा रहेको उत्त घर ढुंगा माटोले बनेको डेढ तल्ले घरमा ८ जना डकर्मीले ८ दिनमा प्रवलिकरण गरी सक्ने लक्ष्य राखिएको परियोजनाका इन्जिनियर दिवस दाहालले बताए ।
