• चैतसम्म काम सक्ने ठेकेदारको दावी

मोहसिन अलि मियाँ

गोरखा – लामो समय अलमलिएको गोरखा दरबार पुननिर्माणको कामले गति लिएको छ ।

झण्डै २२ महिना जग मै अड्किएको पुननिर्माणको काममा भदौ महिनादेखि भने केहि प्रगती देखिएको छ । २०७२ सालको विनाशकारी भूकम्पले ध्वस्त भएपछि पुरातत्व विभागले पुर्ननिर्माणका लागि २०७४ कार्तिकमा पचली सिभाको जेभीलाई ठेक्का दिएको थियो ।

दरबारको यसै हप्ता मुल ढोका राखिएसंगै पुननिर्माणमा केहि आशा पलाएको छ । ठेक्का सम्झौता सकिन ३ महिना मात्रै बाँकी रहदा ठेकेदार कम्पनीले काममा तदारुकता देखाएका हुन् । ‘हाम्रो कारणले काम ढिलाई भएकै छैन’ ठेकेदार कम्पनीका शुसिलबाबु श्रेष्ठले भने ‘सुरुमै केहि प्राविधक कठिनाईहरु ब्यहोर्नु प¥यो, अब काम अघि बढ्छ, आउने चैतसम्ममा सबै काम सकेर हस्तान्तरण गर्ने हाम्रो योजना छ ।’

अधिकांश सामाग्री पूरानै प्रयोग गर्ने र पहिलेकै स्वरुपमा पुर्ननिर्माण गर्ने गरी सुरु भएको काममा भूकम्प गएको पनि ५२ महिना बितिसक्दा समेत कुनै प्रगती नदेखिएपछि अधिकांशमा निराशा छाएको थियो ।

आउदो मंसिर मसान्तसम्ममा सक्नुपर्ने सम्झौतामा उल्लेख भएपनि समयसिमामा भने काम नसकिने ठेकेदार श्रेष्ठ स्विकार्छन । ‘हामीलाई विभागले पटक पटक डिजाइन परिवर्तन गरिदिने र अध्ययनमै समय लगाइदिएकाले सुरुमा केहि ढिलो भएकै हो’ उनले भने ‘यहि गतिमा काम गर्न पायौ भने मंसिरसम्म एक तला सक्छौ, त्यसको ४ महिनामा सबै सक्नेगरी काम अघि बढेको छ ।’

पूरानै ४ तल्लाको स्वरुपमा बन्ने दरबारमा हाल भुइतल्लाकै अन्य ढोका र झ्याल जडानको काम भइरहेको छ ।

हालसम्म करिब २५ प्रतिशत मात्रै काम सकिएको दरबार हेरचाह अड्डाका प्रमुख हरिप्रसाद भुषालले बताए । ‘अहिले निक्कै रफ्तारमा काम भइरहेको छ, यहि गतिमा काम भए मंसिर हैन बैशाखसम्ममा काम सकिने हाम्रो अनुमान हो’ भुषालले भने ‘सुरुवाती चरणमा विभागबाट पनि केहि ढिलाई भएकै हो, केहि महिना समय थप हुन सक्छ ।’

विभाग मार्फत राष्ट्रिय पुनःनिर्माण प्राधिकरणले ४ करोड ३२ लाख २९ हजार ३ सय १८ रुपैया दरवार पुर्ननिर्माणका लागि छुट्याएको थियो ।

नेपाल एकिकरणको सुरुवात भएको उद्गम थलो मानिने गोरखा दरवार शाह वंशिय इतिहासको सबै भन्दा पुरानो दरबारका रुपमा लिइन्छ । गोरखा दरबार तत्कालिन राजा रामशाहको पालामा बिक्रम संम्बत १६६६ ताका बनेको किम्मदन्ती छ ।

दरवार भत्किाइएका कारण केहि बर्षयता बिभिन्न तिथीमा हुने पूजाआजा र दशै लगायतमा दर्शनार्थीलाई समस्या हुदै आएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए