गोरखा समाचारदाता
गोरखा – गोरखाको मनकामना जाने केबुलकार मर्मत संभारपछी सुचारु भएको छ । २२ गते देखी मर्मत गरीएको कार शुक्रबार बिहानै देखी सञ्चालनमा आएको हो ।
मनकामना दर्शन प्रालि द्वारा चितवनको चेरेश देखी गोरखाको मनकामना मन्दिर सम्म पुग्ने केबुलकार केही प्राविधिक परिक्षण र नियमित मर्मत संभारका लागि ५ दिनका लागिको बन्द गरीएको प्रालिका नायब महाप्रबन्धक डिएन कायस्थले बताए । उनले ‘केबुलकार सञ्चालन भएको २० बर्ष भएको थियो । निश्चित अवधि पछी पुरा गनुपर्ने केही प्राविधिक प्रकृया तथा मापदण्ढ बमोजिम Doppelmayr कम्पनी अष्ट्रेलियाबाट आएका प्राविधिकहरुले काम सम्पन्न गरी सकेकोले शुक्रबार बिहानै देखी सञ्चालन गरीएको’ बताए ।
कम्पनीका प्राविधीकहरुको प्रत्येक्ष निगरानीमा केबलकारको केही बिशेष र महत्वपुर्ण प्राविधिक परिक्षण समेत यो अवधिमा सम्पन्न भएको छ ।
विदेशी बिञ टोलीले केबुलकारको Bullwheel Liner Changing, Main Motor Servicing तथा Rope Re-Splicing जस्ता महत्वपुर्ण काम भएको मनकामना दर्शन प्रालिको प्राविधिक शाखाले जानकारी दिएको छ ।
पुर्ण क्षमता चल्दा ३४ डिब्बाबाट प्रति घण्टा ६ सय ५० जना मानिस मनकामना आउ जाउँ गर्न सक्ने गर्दछ । केबुलकार २०५५ मंसिर ८ गते स्थापना भएको हो ।