गोरखा समाचारदाता
गोरखा – जिल्लाको ऐतिहासिक तथा पर्यटकीय स्थलको प्रचार प्रशार गर्ने उद्वेश्यका साथ आयोजित लिगलिगकोट–सिरानचोक–गोरखा दरर्बार म्याराथुन दौड २०७६ गोरखाका भिमबहादुर गुरुङ्गले जितेको छ ।
गोरखा नगरपालिका, पालुङटार नगरपालिका, सिरानचोक गाउँपालिका र गोरखामा रहेको नेपाली सेनाको रणसिंह दल गणले आयोजना गरेको मिलेर दौड आयोजना गरेका हुन्।
नेपाल भ्रमण वर्ष २०२० का साथै जिल्ला भित्रको ऐतिहासिक र धार्मिक पर्यटकीय स्थलको प्रचार प्रसारका लागि भएको दौडमा गोरखा आरुघाट गाउँपालिका थुमीका गुरुङ्ग प्रथम हुन सपल भएका हुन ।
ऐतिहासिक लिगलिगकोट देखी आँपपिपल–हर्मी–थुम्की–चित्रेपोखरी–छोप्राक–चोरकाटे–छेवेटार–मान्द्रे ढुङ्गा–हिलेपोखरी–पस्लाङ्ग–ठुलो आँगन–सतिपिपल–गैरीकुवा हुदै गोरखा दरर्बार सम्मको ४२ किलो मिटर दौडमा रुकुमका दुर्गा बुढा दोस्रो भएको छ । त्यस्तै गरी नेपाली सेनाको राजबहादुर गणका सबिन तामाङ्ग तेस्रो भएका छन भने तनहँुका सुरेन्द्र चापागाई चौथो भएका छन ।
प्रथम हुने गुृरुङ्गले निधारीत दुरी ३ घण्टा १७ः०३ मिनेटमा पारेका थिए भने दोस्रो हुने बुढाले ३ घण्टा १७ः४५ मिनेटमा दुरी पार गरेका थिए ।
द्रव्य शाहले राज्याभिषेक गरेको वि.सं. १६१६ साल भदौ २५ गतेको सम्झनामा दौडको आयोजना गरीएको हो । गोरखा राज्य स्थापना भएको सम्झनामा ‘उत्पतिदेखि जगसम्म’ भन्ने नाराका साथ बुधबार बिहान १ सय १३ जना धावकले दौडमा सहभागीता जनाएको थियो ।
दौडमा पहिलो गुरुङ्गलाई १ लाख ५० हजार नगद सहित मेडल र प्रमाण पत्र प्रदान गरीएको छ । त्यस्तै गरी दोस्रो हुने बुढालाई १ लाख नगद सहित प्रमाण पत्र र मेडल प्रदान गरीएको थियो । त्यस्तै गरी दौडमा तेस्रो र चौथो हुने तामाङ्ग र चापागाई लाई क्रमश.७५ हजार र ५० हजार नगद सहित प्रमाण पत्र र मेडल प्रदान गरीएको थियो ।
दौडमा सहभागी भएर १० औं स्थान सम्म हुनेलाई समेत नदग पुरस्कारको ब्यवस्था गरीएको थियो ।