गोरखा समाचारदाता
गोरखा – मनकामना केबुलकार मर्मत संभारका लागि आईतबार देखी ५ दिनका लागि बन्द हुने भएको छ ।
मनकामना दर्शन प्रालि द्वारा सञ्चालित केबुलकार केही प्राविधिक परिक्षण र नियमित मर्मत संभारका लागि ५ दिन बन्द हुने प्रालिका नायब महाप्रबन्धक डिएन कायस्थले बताए ।
कायस्थका अनुसार केबुलकार सञ्चालन भएको २० बर्ष अवधिमा नियमीत मर्मत संभार भएको भएता पनि निश्चित अवधिमा पुरा गनुपर्ने प्रकृया तथा मापदण्ढ बमोजिम Doppelmayr कम्पनी अष्ट्रेलियाबाट आएका प्राविधिकहरुको प्रत्येक्ष निगरानीमा हुने बिशेष र महत्वपुर्ण प्राविधिक परिक्षणका लागि ५ दिन केबुलकार बन्द हुने बताए ।
प्राविधिकहरु केबुलकार स्टेशनमा आई सकेको छ । उनीले आईतबार बिहानै देखी नेपाली प्राविधिकहरु संग सहकार्य गर्दै काम गर्ने छन ।
विदेशी बिज्ञ टोलीले भाद्र २६ गते सम्म केबुलकारको Bullwheel Liner Changing, Main Motor Servicing तथा Rope Re-Splicing को काम हुने प्रालिको प्राविधिक शाखाले जानकारी दिएको छ ।
पुर्ण क्षमता चल्दा ३४ डिब्बाबाट प्रति घण्टा ६ सय ५० जना मनकामना मन्दिरमा पुग्ने गर्दछ । केबुलकार २०५५ मंसिर ८ गते स्थापना भएको हो ।
मनकामना दर्शन प्रालिले केबुलकार बन्द हुदा सर्व साधारण र श्रद्वालु भत्तजनमा पर्न जाने असुविधा प्रति क्षमाप्रार्थी छौ भनेको छ ।