गोरखा समाचारदाता

गोरखा – कुमारी बैंक लिमिटेडले गोरखा बजारमा आफ्नो शाखा बिस्तार गरेको छ । कुमारीको गोरखा शाखा १०२ औ हो ।

अनौपचारीक रुपमा शाखाले बिहीबार देखी बैंकिङ्ग कारोबार सुरु गरेको बैंकका शाखा प्रबन्धक उमेश प्रसाद दवाडीले बताए ।

सबै जिल्लामा शाखा खोल्ने क्रममा गोरखामा पनि सेवाग्राहीको सेवाको लागि शाखाको बिस्तार गरेको शाखा प्रबन्धक दवाडीले बताए ।

राष्ट्र बैंकको ‘क’ बर्गको कारोबार गर्न स्वीकृत पाएको कुमारीले जिल्लामा आफ्ना ग्राहकहरुको चाहना अनुसार नै काम गर्ने शाखाले जानकारी दिएको छ । शाखाले साना साना कारोवारीहरुलाई विशेष प्रार्थमिकतामा राखेर काम गर्ने समते शाखा प्रबन्धले बताए ।

कुमारी बैंकले हालै मात्र ल्याएको परिवार सुरक्षा बचत खाताले सर्व साधारणको मन जित्न सक्ने अनुमान गरीएको छ । उत्त बचत खाता खोल्दा ४ जनाको परिवारलाई २६ लाख बरावरको बीमा हुने ब्यवस्था गरीएको छ भने १० घातक रोगको उपचारमा सहयोग र दम्पतीलाई आकस्मिक दुर्घटना बीमा तथा पूर्ण शारीरिक अशक्तता समेतको समावेश गरीएको बैंकले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए