गोरखा समाचारदाता
नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले शिक्षा र स्वास्थ्य क्षेत्र सरकारकै नियन्त्रणमा रहने बताएका छन् ।
जिल्लाको पालुङ्टार नगरपालिका–१ खोप्लाङको अन्नपुर्ण माविको नवनिर्मित विद्यालय भवन उद्घाटन गर्दै नेता श्रेष्ठले शिक्षा र स्वास्थ्यमा व्यापारिकरण हुन नदिने दाबी गरे । ‘निजी शिक्षा बन्द गर्ने हामीले भनेका छैनौ,’ उनले भने, ‘सामुदायिक विद्यालयलाई गुणस्तरीय बनाउन सकारले प्रयत्न्न गरिरहेको छ ।
यसमा कसैले आपत्ती मान्नुपर्ने कुरा छैन् ।’ नेपालको संबिधानले शिक्षा, स्वास्थ्य जस्ता कुराहरुलाई मौलिक हकको रुपमा व्याख्यागर्दै आधार भूत तहको सेवा सरकारले प्रदान गर्ने उल्लेख गरेको भन्दै उनले नागरिकको अधिकार संरक्षणका लागि नेकपा नेतृत्वको सरकार प्रतिवद्ध रहेको बताए । ‘सेवाको भाव सहित निजी क्षेत्र आउनु हुन्छ भने स्वागत छ,’ उनले भने, ‘शिक्षा र स्वास्थ्यमा पैसा कमाउने थलो होइन, पैसा कमाउने धन्दा हामीलाई स्वीकार्य छैन् ।’
फरक राजनितिक प्रशंङ्गमा बोल्दै उनले समृद्ध नेपाल निर्माणमा अघि बढ्न सबै पक्ष सँग आग्रह गरेका छन् । ‘समृद्ध नेपाल निर्माणको पक्षमा हामी एक हुनुको विकल्प छैन्’ उनले भने ‘दरिद्र चिन्तन छोडौं, एकले अर्कोलाई खुट्टा तान्ने कामबन्द गरौं ।’ सबै मिलेर मुलक समृद्ध बनाउनुपर्ने उनको भनाई छ ।
पार्टी एकताको काम पनि अन्तिम चरणमा पुगेको भन्दै उनले सबैलाई समेटर अघि बढ्न नेतृत्व लागि परेकोले केही ढिला भएको बताए ।
