गोरखा समाचारदाता
साउन १७ गते । सहकारी संस्थाहरुले अब देखी १६ प्रतिशत भन्दा बढी ब्याज लिन नपाउने भएको छ ।
सहकारी ऐनको व्यवस्थाअनुसार ब्याजदर निर्धारण समितिको बैठकले अब देखी बढीमा १६ प्रतिशत सम्म ब्याज लिन पाउने निर्णय गरे पछि सहकारी संस्थाहरुमा हल्ली खल्ली मचिएको छ । बचतमा कम ब्याज दिएर ऋण लगानीमा २५ प्रतिशतसम्म ब्याज लिँदै आएको सहकारीले अब भने १६ प्रतिशत भन्दा बढी ब्याज लिन नपाउने भए पछि खल्लीबल्ली मचिएको हो ।
समितिको बैठकले बचतमा न्यूनतम १० प्रतिशत र ऋण लगानीमा अधिकतम १६ प्रतिशत ब्याजदरको सिलिङ तोकेको हो । आइतबारबाट लागू हुने गरेर उक्त ऐनलाई सञ्चार माध्याम मार्फत सबै सहरकारीलाई जानकारी गराएको हो ।
अब देखी ऋण लिने सहकारीका सदस्यहरुले महंगो ब्याज तिर्नुपर्ने प्रवृत्तिको अन्त्य भएको समितीको संयोजक एवं सहकारी विभागका रजिष्टार टेकराज पाण्डेले बताए । पाण्डेले सहकारीको ब्याजदर आवश्यकता अनुसार प्रत्येक ३÷३ महिनामा परिवर्तन गर्न सकिने समेत बताए।
मूलुकभर रहेका ३४ हजार ८ सय सहकारीले ३ खर्ब भन्दा बढी निक्षेप संकलन गरी २ खर्ब भन्दा बढी कर्जा प्रवाह गरेका छन् ।