कैलासबावु श्रेष्ठ
साउन ४ गते । गएको आर्थिक बर्षमा गोरखा जिल्लामा ७५ जना सवारी चालकको लाईसेन्समा प्वाल पारीएको छ ।
जिल्ला ट्राफिक प्रहरी कार्यालय गोरखाले दिएको जानकारी अनुसार आर्थिक बर्ष ०७५÷७६ मा सवारी चलाउदा मादक पदार्थ सेवन गरी चलाएको भन्दै कार्यालयबाट चेक जाँचका क्रममा खटी गएका ट्राफिक प्रहरीले सवारी चालकको लाईसेन्समा प्वाल पारेको हो ।
प्वाल पारीएका सवारी चालकहरु मध्ये ४८ जना मोटरसाईकल चालक रहेका छन । त्यस्तै गरी १३ जना कार चालक, ८ जना ट्रयाक्टर, ५ जना ट्रक र १ जना बस चालकको लाईसेन्समा प्वाल पारीएको कार्यालयले जानकारी दिएको छ ।
सवारी चेक जाँचका क्रममा मादक पदार्थ सेवन गरी सवारी चलाएको पाइएकोले सवारी ऐन २०४९ को दफा ४२ अनुसार चालकहरुको लाईसेन्समा प्वाल पारी कारवाही गरीएको ट्राफिक प्रहरी कार्यालय गोरखाले जानकारी दिएको हो ।
गत आर्थिक बर्षमा मात्रै १० हजार ६ सय सवारी ट्राफिक कारवाहीमा ७२ लाख ३० हजार राजश्व संकलन भएको थियो ।