कैलासबावु श्रेष्ठ
साउन ३ गते । गोरखा जिल्लामा गएको आर्थिक बर्षमा करिब १५ हजार गाँजाको बोट नष्ट गरीएको छ ।
जिल्ला प्रहरी कार्यालय गोरखाले दिएको जानकारी अनुसार समुदाय प्रहरी साझेदारी कार्यक्रम लागु भए पछि जिल्ला भरी लागु औषध अन्तरर्गतको गाँजा फडानी कार्य थालिएको थियो । जस अनुसार आ.ब.०७५/०७६ को अन्त सम्ममा जिल्ला भरी १४ हजार ६ सय बोट गाँजा नष्ट गरीएको थियो ।
समुदाय साझेदारी कार्यक्रम अन्तरर्गत जिल्ला भित्रको रहेको २ प्रहरी चौकी र ४ ईप्रका तथा सदरमुकाममा रहेको जिल्ला प्रहरी कार्यालय र गोरखा दरर्बारमा रहेको प्रहरी यूनिट समतले गाजा फडानी गरेको थियो ।
कार्यालय बाट प्राप्त रेकर्ड अनुसार जिल्ला प्रहरी कार्यालय गोरखा र गोरखा र गोरखा दरर्बारमा रहेको प्रहरी यूनिटले ५ हजार ३ सय बोट गाँजा नष्ट गरेको छ । उत्त परिणमको गाँजा गोरखा नगरपालिका ४ को पदेलथोक र भिमसेन पार्क क्षेत्रमा नष्ट गरीएको हो ।
त्यस्तै गरी ईलाका प्रहरी कार्यालय आरुघाटले १ हजार ८ सय, जौबारीले १ हजार १ सय, ठाटीपोखरीले ३ हजार ७ सय र मनकामना इप्रकाले ९ सय बोट गाँजा नष्ट गरेको थियो । कार्यालयले दिएको जानकारी अनुसार प्रहरी चौकी घ्यालचोकले १ हजार ५ सय र ताङलीचोकले ३ सय बोट गाँजा नष्ट गरेको थियो ।
यसै बिच शुक्रबार बिहान मात्रै पनि समुदाय प्रहरी साझेदारी कार्यक्रम अन्तरर्गत जिल्ला प्रहरी कार्यालयका प्रहरी उपरिक्षक ओमप्रसाद अधिकारीको नेतृत्वमा सामुदायिक सेवा केन्द्रको समन्वयमा सदरमुकामको पदेलथोकमा ३ हजार गाँजाको बोट नष्ट गरीएको थियो । ३ दर्जन प्रहरी र सामुदायिक सेवा केन्द्रका पदाधिकारीहरु सहभागि उत्त कार्यक्रममा स्थानियलाई प्रहरी उपरिक्षकले लागु औषध नियन्त्रणमा स्थानियलाई सहयोग गर्न अनुरोध गरेका थिए ।
गाँजा फडानीमा यस अघि शसत्र प्रहरीले पनि सक्रिय सहभागिता जनाएको थियो ।
