कैलासबावु श्रेष्ठ
गोरखा जिल्लामा ट्राफिक नियम उल्लघंन गर्नेहरुबाट ७२ लाख भन्दा बढी राजश्व संकलन गरीएको छ ।
जिल्ला ट्राफिक प्रहरी कार्यालय गोरखाले दिएको जानकारी अनुसार ०७५ साल साउन देखी ०७६ साल असार मसान्त सम्म जिल्लाको विभिन्न भागमा चल्ने सवारी र चालकलाई ट्राफिक नियम उल्लघंन गर्दा ७२ लाख ३० हजार राजश्व संकलन गरीएको हो ।
कार्यालयका अनुसार उत्त रकम बरावरको राजश्व संकलन हुदा १० हजार ६ सय सवारी कारवाहीमा परेका छन । कारवाहीमा पर्नेहरुमा सबै भन्दा धेरै ट्रक परेका छन भने सबै भन्दा कममा यात्रु बाहक बस परेका छन ।
कार्यालयको रेकर्ड अनुसार ९ सय ६३ बस, १ हजार ९ सय २६ ट्याक्टर, २ हजार १ सय ३५ वटा कार, जिप, डेलिभरी म्यान रहेका छन भने २ हजार १ सय ८३ मोटरसाईकल र ३ हजार ३ सय ९३ वटा ट्रकहरु कारवाहीमा परेका छन ।
जस मध्ये ट्रकबाट २३ लाख ३१ हजार, मोटर साईकलबाट १५ लाख ३१ हजार, कार, जिप, डेलिभरी भ्यानबाट १४ लाख ५५ हजार, ट्याक्टरबाट १३ लाख ३ हजार र यात्रु बाहक बसबाट ६ लाख ९ हजार रुपैयाँ संकलन भएको देखिन्छ ।
कार्यालयको रेडकमा पछिल्लो बर्ष गोरखामा ट्राफिक नियम उल्लघंन गर्नेहरुको संख्यामा उल्लेखनीय रुपमा बृद्वि भएको छ ।
फाईल तस्बिर