गोरखा समाचारदाता

साउन १ गते । गोरखा नगरपालिका वडा नम्बर ५ ले संकटासन्न परिवारलाई आवास निर्माणका लागि सहजिकरण गर्ने प्रतिवद्वता गरेको छ । भारत सरकारको सहयोग प्राप्त नेपाल आवास पुनर्निर्माण परियोजना बाट संकटासन्न परिवारलाई सुरक्षित आवासका लागि गरिरहेको सहजिकरणमा गोरखा नगरपालिका बडा नम्बर ५ ले एक्येबद्धता जनाएको हो ।

प्रतिबद्वता संगै गोरखा नगरपालिका बडा नम्बर ५ को सक्रियतामा पदेलथोक निवासी संकटासन्न एकल वृद्धा विष्णुमाया सार्कीलाई वडा कार्यालयले आवश्यक जस्तापाता उपलब्ध गराएको छ । बडाध्यक्ष राम कुमार थापाले परियोजनाले निजी आवास निर्माण तर्फ गरीरहेको सामाजिक प्राविधिक सहजिकरण कार्यले आफू निकै प्रभावित भएको प्रतिक्रिया समेत दिए । आगामी दिनमा पनि परियोजनाको काममा सहयोग र सहकार्य जारी रहने थापाले प्रतिबद्धता व्यक्त गरे ।

कार्यक्रममा वडा कार्यपालिकाका सदस्यहरु, पंदेलथोक टोल विकास संस्थाका पदाधिकारी तथा सदस्यहरु र भारत सरकारबाट सहयोग प्राप्त नेपाल आवास पुननिर्माण गोरखा नगरपालिकामा कार्यरत कर्मचारीको उपस्थिति रहेको थियो ।

परियोजनाले गोरखा नगरपालिका र पालुंगटार नगरपालिका, अजिरकोट, शहिदलखन, गण्डकी, सिरानचोक, आरुघाट र धार्चे गाँउपालिकामा पनि निजी आवास पुनर्निर्माणमा सामाजिक प्राविधिक सहजिकरण गर्दै आएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए