- जिल्ला कमिटीको इन्चार्ज र सहइन्चार्जमा भने ६० र ४० को आधारमा बाँडफाँड
गोरखा समाचारदाता
साउन १ गते । नेपाल कम्युनिस्ट पार्टी (नेकपा) ले एकता प्रक्रियालाई टुङ्गाएको छ ।
नेकपाका अध्यक्षद्वय केपी शर्मा ओली र पुष्पकमल दाहाल बीच मंगलबार बालुवाटारमा भएको छलफल पछि एकता प्रक्रियाका सम्पूर्ण कामहरु टुगों लगाइएको हो।
अध्यक्षद्वय ओली र दाहाल केही दिनदेखि एकता प्रक्रिया टुगों लगाउने गृह कार्यमा लागेका थिए।
प्रधानमन्त्री निवास बालुवाटारमा भएको छलफलले एकता प्रकृया टुंगो लगाएको र प्राविधिक कुराहरु साउन ५ गते बस्ने सचिवालयको बैठकबाट अनुमोदन गरेर सार्वजनिक गरिने नेकपा सचिवालयले जानकारी दिएको छ ।
जेठ २१ गतेदेखि तीन दिनसम्म बसेको नेकपा सचिवालको बैठकले जिल्ला कमिटीको इन्चार्ज र सहइन्चार्ज, पोलिटब्युरो गठन, कार्यसमितिको कार्यविभाजन लगायतका विषयमा टुगो लगाउन अध्यक्षद्धयलाई जिम्मेवारी दिएको थियो ।
जिल्ला कमिटीको इन्चार्ज र सहइन्चार्जमा भने ६० र ४० को आधारमा बाँडफाँड भएको बताइएको छ । जिल्लामा रहेका तत्कालिन एमाले र माओवादी केन्द्रका तत्कालिन इन्चार्ज र सहइन्चार्जबाट नेकपाका जिल्ला इन्चार्ज र सहइन्चार्ज चयन गर्ने बताइएको छ ।