- ७० लाख भन्दा बढी क्षेति भएको अनुमान
कैलासबावु श्रेष्ठ
असार ३१ गते । गोरखाको छेवेटारमा रहेको एक किसानको फर्ममा बाढीले क्षेति पुरयाएको छ ।
सोमबार राती परेको पानीले पालुङटार नगरपालिका १ साउतेमा रहेको एकिकृत अन्नपुर्ण कृषि फर्मलाई क्षेति पुरयाएको हो । भुसुण्डी खोलाबाट आएको बाढी फर्ममा पसे पछि त्यहाँ रहेको ३ वटा माछा पोखरी, हाँस, कुखुरा र बंगुर बगाउनुका साथै पोखरी र खोर क्षेति पुगेको छ ।
फर्मका सञ्चालक ईम बहादुर घिमीरे (तिलक)का अनुसार ५ वटा माछा पोखरी मध्ये ३ वटा कामै नलाग्ने गरी बिग्रीएको छ भने पोखरीमा रहेको १२ हजार बयस्क माछा बगाएको छ । ‘राती आएको बाढी फर्ममा पसेर सबै बगाएछ । बिहान गएर हेर्दा फर्ममा रहेको ३ वटा पोखरीको माछा, फर्म भित्र पालीएको हाँस, कुखुरा र बंगुर समेत बगाएको रहेछ’ सञ्चालक घिमीरे बताए ।
त्यस्तै गरी फर्म भित्र पालिएका मध्ये १० वटा बंगुर, १ सय २० वटा लोकल कुखुरा र ७५ वटा हाँस बगाएको घिमीरले बताए । ‘गएको माघमा हामीले सबै पोखरीमा ४७ हजार माछाका भुरा हालेका थियौ । हाम्रो अनुमानमा यो ३ वटा पोखरीमा मात्रै १ केजी दरमा १२ हजार भन्दा बढी माछा थिए’ सञ्चालक घिमीरले बताए ।
बजारमा बेच्ने तयारी गरी रहदा बाढीले सबै माछा बगाए पछि फर्म सञ्चालक दुविधामा परेका छन ।
उनका अनुसार ७० लाख बरावरको क्षेति भएको छ । पोखरीबाट माछा बगाए पछि अहिले २ सय जना भन्दा बढी स्थानियले माछा संकलन गरेर घर लगेको सञ्चालक घिमीरे बताए । फर्म भित्र रहेको बंगुर, कुखुरा र हाँसको खोरलाई समेत बाढीले क्षेति पुरयाएको छ ।