गोरखा समाचारदाता
असार ३० गते । गोरखा सदरमुकाममा सहजकर्ताहरु संगको छलफल एवं बजारीकरणमा सहयोग विषयक तालिम सम्पन्न भएको छ ।
गोरखा उद्योग वाणिज्य संघको आयोजना तथा घरेलु तथा साना उद्योग विकास समिति गोरखाको आर्थिक सहयोगमा जिल्लाका ३० जना उद्यमीहरुलाई १ दिने सहजकर्ता संगको छलफल एवं बजारीकरणमा सहयोग विषयक तालिम दिईएको संघले जानकारी दिएको छ ।
प्रमुख जिल्ला अधिकारी देवेन्द्र लामिछानेज्यूको प्रमुख आतिथ्यता एवं संघका अध्यक्ष जीवनज्योती श्रेष्ठको सभापतित्वमा भएको कार्यक्रममा वरिष्ठ उपाध्यक्ष कृष्णकुमार श्रेष्ठ, प्रमुख उद्योग अधिकृत नवराज राउत लगायतले मन्तव्य राखेका थिए ।
तालिममा कुशललाल श्रेष्ठ र रीता रेग्मीले सहजीकरण गरेका थिए ।