गोरखा समाचारदाता
असार ३० गते । मोबाईलको रिचार्ज कार्ड चोरी गरेको आरोपमा २ जना पक्राउ परेका छन् । पक्राउ पर्नेहरुमा गोरखाको गण्डकी गाउँपालिका–५ दर्बुङ्ग फाँटका १६ वर्षीय सागर गुरुङ र धादिङको ज्वालामुखी गाउँपालिका–१ राटमाटेका २१ वर्षीय कमल कुमाल रहेका प्रहरी जनाएको छ ।
असार १७ गते धादिङको रोराङ गाउँपालिका–५ बाँदेरका राजेन्द्रकुमार सिलवालको किराना पसलबाट रिचार्ज कार्ड र अन्य सामान चोरी गरि फरार रहेका उनीहरुलाई प्रहरीले आइतबार पक्राउ गरेको हो । गण्डकी गाउँपालिका ५ दबुङ्र्गमा लुकीछिपी बसेको विशेष सुराकीका आधारमा उनीहरुलाई नियन्त्रणमा लिइएको जिल्ला प्रहरी कार्यालय गोरखाका डिएसपी महेन्द्र नेपालले जानकारी दिए ।
उनीहरुको शरीर चेकजाँच गर्दा प्रहरीले सागर गुरुङले साथबाट नेपाल टेलिकमको रु १०० को ४० थान, रु ५० को ५० थान रिचार्ज कार्ड बरामद गरेको छ । यसैगरी एनसेन मोबाइलको ४३ थान सय र २० थान ५० को कार्ड समेत फेला परेको प्रहरीले बताएको छ । उनीहरु दुबै जनालाई थप अनुसन्धानका लागि जिल्ला प्रहरी कार्यालय धादिङमा बुझाएको डिएसपी नेपालले बताए ।