गोरखा समाचारदाता
असार २८ गते । १२ औं दक्षिण एशियाली शारिरीक सुगठन प्रतियोगिता नेपालमा हुने भएको छ ।
नेपाल शारिरीक सुगठन तथा फिटनेस संघको आयोजनामा साउन ३ र ४ गते हुने आयोजक संघले प्रेस बिज्ञप्ती प्रकाशित गर्दै जानकारी दिएको छ । तेस्रो पटक आयोजना हुन लागेको उत्त खेलका लागि नेपाल सरकारबाट १० लाख रुपैयाँ समेत प्राप्त भएको संघले जानकारी दिएको छ ।
राजधानीमा आयोजना हुने उत्त खेलका लागि थाईल्याण्ड देखी ४ जना विश्व स्तरीय निर्णायकहरु आउने संघका अध्यक्ष राजेशबावु श्रेष्ठले बताए । अन्तराष्ट्रिय मापदण्ड अनुसार हुने खेलमा दक्षिण एशियाली मुलुकका खेलाडी, निर्णायक र अफिसियल गरी १ सय ३० जनाको सहभागिता रहने छ भने नेपालबाट शारिरीक सुगठन र जुनियर शारिरीक सुगठन अन्तरर्गत पुरुष फिटनेस फिजिक्स, पुरुष एथलेकिक्स फिजिक्स, पुरुष स्र्पोट फिजिक्स, महिला एथलेटिक्स फिजिक्स तथा महिला मोडल फिजिक्स गरी १८ बिधामा २३ खेलाडी र ५ अफिसियल गरी कुल २८ जनाको सहभागिता रहने छ ।
आयोजक संघका अनुसार सबै तयारी पुरा भएको भन्दै खेलले नेपाल भ्रमण बर्ष २०२० लाई मसेत सहयोग पुग्ने विश्व लिएको छ । खेलका लागि १ करोड ३६ लाख खर्च हुने अनुमान गरीएको छ । खेल अबलोकनका लागि विश्व तथा एशियाली शारिरीक सुगठन महासंघका अध्यक्ष डाटुक पाउल चुआ समेतको सहभागिता हुने संघका अध्यक्ष श्रेष्ठले जानकारी दिए ।
प्रतियोगिता संघिय राजधानीको कमलादीमा रहेको प्रज्ञाभवनमा हुने छ ।
