गोरखा समाचारदाता
असार २८ गते । गोरखा जिल्लाको बारपाक सुलिकोट गाउँपालिकामा निर्माण भइरहेको सडक गुणस्तर हिन भएको भन्दै स्थानिय आन्दोलित भएका छन ।
बारपाक सुलिकोटको बहाकोट स्वाँरा, सौरपानी सडकखण्डको काम गुणस्तरियता नभएको भन्दै स्थानीयहरु गोरखा सदरमुकाममा पत्रकार सम्मेलन गरी उत्त कुराको जानकारी गराएका हुन । स्थायिनले एक संघर्ष समिति बनाएर ठेकेदारले काममा लापरवाही गरेको भन्दै आन्दोलनमा उत्रिएका हुन् ।
भूकम्पिय आपतकालिन सहायता परियोजना अन्तरर्गत एसियाली बिकास बैक (एडिवी) को आर्थिक तथा स्वीस बिकास सहयोग नियोगको प्राविधिक सहयोगमा तामाब कुमार जेभिले उक्त सडकखण्डमा ४ किलोमिटर सडक कालोपत्रेको काम गरिरहेको छ । ठेकेदारले गरेको काम गुणस्तरहीन भएको आरोप लगाउदै स्थानियले ग्राभेल र कालोपत्रे नभएको, टेवा पर्खाल र नालाहरु भत्किएको भन्दै पत्रकार सम्मेलनमा आक्रोस पोखे ।
बारपाक सुलिकोट वडा नम्वर ३ स्वाँरा, ४ सौरपानी र ६ ताकुकोटका स्थानीय मिलेर ९ सदस्यीय संघर्ष समिति गठन गरिएको छ । २०१९ जनवरी २८ मा काम सक्नेगरी २०१७ अगस्ट ८ मा सम्झौता भएपनि हाल सम्म ७० प्रतिशत मात्र काम सम्पन्न भएको छ । कुल १८ करोड १० लाखमा ठेक्का सम्झौता भएको उत्त काम निर्धारित समयमा सम्पन्न नगरेको भन्दै स्थानीय थप आक्रोशित छन् ।