काठमाडौँ–असार २८ गते । केही दिन देखी देशैभरी भई रहेको लगातार परेको बर्षाले सबैको जनजीवन प्रभावित भएको छ । अधिक पानीका कारण दशैभरी बाढी आएको छ भने पहिरो पनि गएको छ । तराईका केही जिल्लाहरु डुबानमा परेका छन् । बाढीपहिरोले शुक्रबार साँझ सम्म १७ जनाको ज्यान गइसकेको छ भने ७ जना बेपत्ता भएका छन् ।
गृहमन्त्रालयले आपत्कालीन उद्धारका लागि सरकारी संयन्त्र चुस्त राखेको बताएको छ। तराईमा बाढीको कहर भएको छ भने पहाडी र हिमाली भेगका बासिन्दा पहिरोको डरमा छन्।
स्रोत: प्रहरी प्रधान कार्यालय
बेपत्ता हुनेहरु :
- पाँचथरको मिक्लाजुङ गाउँपालिका ४ मा खोलाले बगाउँदा ९ वर्षीय दिवन राई बेपत्ता।
- मोरङ कानेपोखरी गाउँपालिका २ को गेउरिया खोलमा परिचय नखुलेको एक बेपत्ता।
- महोत्तरीको बलवा नगरपालिका ३ बदियाका हमिद मियालाई खोलाले बगाउँदा बेपत्ता
- कुलेश्वरमा मनमती खोलाले बगाएर ल्याएको सिलिन्डर छोप्न जाने क्रममा ३० वर्षीय विनोद चौधरी बेपत्ताखोटाङको
- टेहाङ गाउँपालिका वाल्खुवामा पहिरो जाँदा विष्णु राईकी श्रीमती र दुई छोरा बेपत्ता।