गोरखा समाचारदाता
गोरखा नगरपालिका–८ मा विभिन्न किसिमको तालिम लिइरहेकाहरुलाई बिहीबार एक कार्यक्रम बिच मेसिन प्रदान गरिएको छ ।
गोरखा नगरपालिका, घरेलु तथा साना उद्योग विकास समिति र जन अधिकार सरोकार महासंघ गोरखाको आयोजनामा भएको सिलाई कटाई, प्लम्बिङ र जेन्स पार्लरका सहभागीहरुलाई मेसिन तथा उपकरण प्रदान गरिएको हो ।
वडा नम्बर ८ का वडाध्यक्ष कृष्णबहादुर खत्रीको अध्यक्षतामा भएको उक्त कार्यक्रमम मेसिन हस्तान्तरण गर्दै प्रमुख अतिथि गोरखा नगरपालिकाकी उपप्रमुख बिनाकुमारी श्रेष्ठले सिकेको सिपलाई व्यवहारमा ल्याउन आग्रह गरेकी थिइन् । ‘अहिले तालिम लिने मेसिन घरमा लगेर थन्क्याउने प्रवृत्ति छ’ उनले भनिन् ‘तपाइँहरुले त्यस्तो गर्नु हुनेछैन, अनुगमन आउँदा सही प्रयोग भएको हेर्न पाइयोस् ।’ उक्त तालिममा १९ को सहभागीता रहेको जन अधिकार जरोकार महासंघकी जिल्ला संयोजक लक्ष्मी दाहालले जानकारी दिइन् ।
उक्त संस्थाले विभिन्न ६ स्थानीय तहका १ सय ६५ जनालाई सिप सिकाउनको साथै पहिले सिप सिकेका १ सय २० जनालाई पुर्नताजगी गराउने कार्यक्रम रहेको उनले बताईन ।