गोरखा समाचारदाता
पालुङटारमा सुरु भएको गण्डकी प्रदेश स्तरीय प्रथम लिगलिग पालुङटार मेयर कप २०७५ अन्र्तगत सोमबार विभिन्न खेल दुई वटा खेल भएका छन । पहिलो खेल आयोजक पालुङटार नगरपालिका “ए” बिजयी भएको छ । ६–१ गोल अन्तरले राईनास नगरपालिकालाई पराजित गर्दै पालुंटार बिजयी भएको हो ।
यसैगरी दोस्रो खेलमा स्याङजाको पुतली बजार नगरपालिका पराजित भएको छ । पुतलीबजारलाई ५–० गोल अन्र्तरले हराउदै बेसिशहर अघिल्लो यात्रा तय गरेको छ । प्रतियोगिता अन्तरगत आज पनि २ खेल हुने आयोजकले बताएको छ ।
जसअन्र्तगत पहिलो खेल देवचुली नगरपालिका नवलपरासी र शुक्ला गण्डकी नगरपालिका तनहुँ, दोस्रो खेल गल्याङ नगरपालिका बाग्लुङ र गण्डकी गाउँपालिका गोरखा बिच हुने आयोजकले समितिका सदस्य सचिव किरण गिरीले जानकारी दिए । ‘हाम्रो अभियान, खेलकुद पर्यटन, लिगलिग उत्थान’ भन्ने मुल नाराका आयोजना भएको प्रतियोगितामा गोरखा जिल्लाका ५ सहित गण्डकी प्रदेश भित्रका बिभिन्न जिल्लाका १८ टिमको सहभागिता रहेको छ ।
प्रतियोगितामा प्रथम हुने टिमले नगद पुरस्कार २ लाख ३४ हजार ५६७ रुपैया सहित रनिङशिल्ड, मेडल र प्रमाण पत्र प्राप्त गर्नेछ भने दोस्रो हुनेले नगद रु लाख २३ हजार ४५६ सहित मेडल र प्रमाण पत्र प्राप्त गर्ने आयोजकले जनाएको छ । त्यस्तै प्रतियोगितको सेमिफाइनलमा पुग्न सफल हुने दुई टिमले रु ५४ हजार ३२१ पुरस्कार प्राप्त गर्नेछन् ।
प्रतियोगितामा उत्कृष्ट खेलाडी एकजनालाई १२ हजार ३४५ पुरस्कार प्रदान गरिने छ भने उत्कृष्ट गोलरक्षक, उत्कृष्ट अग्रपक्ति, उत्कृष्ट मध्यपक्ति, उत्कृष्ट रक्षक, उत्कृष्ट गोल गर्न सफल खेलाडीलाई जनही रु ९ हजार ८७६ नगद पुरस्कार प्रदान गरिने आयोजकले जनाएको छ । आईतबार देखि शुरु भएको प्रतियोगिता चैत ६ गतेसम्म चल्नेछ ।
