गोरखा समाचारदाता
गोरखा उद्योग बाणिज्य संघ गोरखाको ४५ औ बार्षिक साधारण सभा सम्पन्न भएको छ । संघको कार्यालय छहरेमा भएको सभामा संघको बार्षिक प्रतिबदेन माथी छलफल समेत भएको थियो ।
महासचिव राजुबाबु श्रेष्ठले बार्षिक प्रगति प्रतिबेदन र कोषाध्यक्ष प्रकाशचन्द्र श्रेष्ठले आर्थिक बर्षको हर हिसावको प्रतिवेदन पेश गनु भएको थियो । संघले आगामी बर्षका लागि बहु उद्वेश्यीय सभाहल निर्माण, पर्यटन प्रर्बद्धनका कार्यक्रमहरु, प्लाटिक र फोहोर व्यवस्थापन कार्यक्रम, होमस्टे व्यवस्थापन कार्य, सदस्य बिपत कोष र गाउँपालिका स्तरीय बजार इकाई गठन लगायतका कार्यक्रम गर्ने समेत निर्णय गरेको छ ।
संघका अध्यक्ष जीवनज्वोती श्रेष्ठको अध्यक्षतामा भएको साधारण सभामा नेपाल उद्योग बाणिज्य संघका केन्द्रिय उपाध्यक्ष शेखर गोल्छाको पनि उपस्थिती रहेको थियो ।
कार्यक्रममा गोरखा जिल्लाका प्रमुख जिल्ला अधिकारी गजेन्द्र बहादुर श्रेष्ठ, गोरखा नगरपालिका गोरखाका मयेर राजनराज पन्त, संघकापूर्व अध्यक्षहरु इश्वरकाजी मास्के, संस्थाक सचिव धिरजबहादुर मास्के लगायतले शुभ कामना मन्तव्य व्यक्त गरेका थिए ।