कैलासबावु श्रेष्ठ/गोरखा
फागुन ९ गते । गोरखा जिल्लामा केन्द्रीय कार्यालय भएको साधना लघुवित्त वित्तीय संस्था लि.ले तनहुँ जिल्ला भानु न.पा.-१ डुम्रेमा रहेको आर्थिक सम्बृद्धि लघुवित्त वित्तीय संस्था लि.प्राप्ती गरेको छ । दुवै लघुबित्तले १० जिल्लामा शाखा राखेर कारोबार गरी रहेका छन ।
सवल पूँजी भएको उत्कृष्ठ राष्ट्रिय स्तरको लघुवित्त वित्तीय संस्था बनाउने लक्ष्यका साथ दुवै संस्था एक आपसमा गाभिएका हुन । दुवै संस्था गाभिने बिषयमा समझदारी पत्रमा समेत हस्ताक्षर भई सकेको साधाना लघुबित्त संसथाले जानकारी दिएको छ । एक कार्यक्रम बिच साधनाको तर्फवाट अध्यक्ष कृष्ण वहादुर थापा र आर्थिक सम्बृद्धिको तर्फवाट डा.एक नारायण चापागाँइले हस्ताक्षर गर्नु भएको छ ।
गाभिएको संस्थाको नाम साधना नै रहने र केन्द्रिय कार्यालय गोरखा बजारमा रहने सहमति समेत भएको छ ।
चालु आर्थिक वर्षको दोस्रो त्रैमासिक सम्ममा चुक्ता पूँजी ४ करोड ९० लाख रहेको साधना लघुवित्तले २६ वटा शाखा सञ्चालनमा ल्याएको छ भने आफ्ना २० हजार सदस्य मार्फत् १३ करोड निक्षेप संकलन गरी ७० करोड लगानी गरी ५७ लाख नाफा आर्जन गर्न सफल भएको छ । त्यसैगरी चुक्ता पूँजी ३ करोड ६ लाख २५ हजार रहेको आर्थिक सम्बृद्धि लघुवित्तको १४ वटा शाखा मार्फत् आफ्ना ५ हजार सदस्य मार्फत् ४ करोड निक्षेप संकलन गरी १५ करोड लगानीमा गरेको केन्द्रिय कार्यालयले जानकारी दिएको छ ।
नेपाल राष्ट्र बैंकले घ वर्गका लघुवित्त वित्तीय संस्थाहरुलाई प्रदेशस्तर वा राष्ट्रियस्तरमा जान मर्जर तथा प्राप्तिलाई जान आदेश जारी गरेको छ । दुई लघुवित्तको प्राप्ति सम्बन्धि सम्झौता नेपालमै पहिलो रहेको साधना लघुवित्त वित्तीय संस्थाका प्रमुख कार्यकारी अधिकृत रेशम न्यौपानेले बताउनु भयो ।