गोरखा समाचारदाता
मंगलबारबाट सुरु भएको छैटौं गोरर्खाली रनिङ कप फुटबलमा ३ खेल सम्पन्न भएका छन् ।
बुधबार बिहान भएको पहिलो खेलमा दौतरी क्लव चित्रेलाई २–० गोलअन्तरले पराजित गर्दै नेपाली सेनाको रणसिहं दल गण बिजयी भएको छ । यसैगरी दोश्रो खेलमा आरआर एफसी हेटौडा बिजयी भएको छ । हेटौंडाले द हिमाली युवा क्लव आरुघाटलाई ३–२ गोल अन्तरले हराएर बिजयी यात्रा सुरु गरेको हो ।
निर्धारित समयमा २–२ गोलको बराबरी खेलेका खेलपछि निकै प्रतिस्पर्धात्मक देखिएको उक्त खेलको इन्जिुरी समयमा हेटौंडाका खेलाडीले गोल थप्दै आफ्नो टिमलाई बिजयी बनाएका हुन् । यसैगरी बुधबार भएको अन्तिम खेलमा मैदानकाली युवा क्लव गोरखा नगरपालिका ५ र अलस्टार क्लव आँबु खैरेनीले गोल रहित बराबरी खेलेका थिए ।
निर्धारित ६० मिनेट भित्र दुबै टिमले गोल गर्न नसकेपछि खेलको निर्णय ट्राईबेकरमा मार्फत गरिएको हो । ट्राइबेकरमा १०– ९ गोल अन्तरले अलस्टारलाई हराउँदै मैदानकाली बिजयी भएको छ । १४ गते सम्म चल्ने प्रतियोगितामा १६ वटा टिमले सहभागीता जनाएका छन् ।
प्रतियोगितामा पहिलो हुनेले नगद २ लाख, दोश्रोले ५० हजार ट्रफि मेडल र प्रमाणपत्र पाउने छन् । सेमिफाइनलमा पुग्ने २ समूहलाई ५०/५० हजार पुरस्कार दिइने आयोजकले हरमटारी युवा क्लवका अध्यक्ष बिशाल गुरुङले जानकारी दिए ।
