कैलासबावु श्रेष्ठ/गोरखा
माघ ३ गते । गोरखाको ब्यापारीक नाका पालुङटारमा पहिलो महोत्सव हुने भएको छ । बिहीवार पत्रकार सम्मेलन गर्दै उनीहरुले फागुन पहिलो साता देखी महोत्सव आयोजना गरेको जानकारी दिएका हुन ।
गोरखा उद्योग बाणिज्य संघ पालुङटार बजार इकाईले गरेको पत्रकार सम्मेलनमा पालुङ्गटारमा ‘प्रथम पालुङटार लिगलिग महोत्सव २०७५’ को आयोजना गरेको जानकारी दिएका हुन ।
इकाईको आयोजना तथा नेपाल आदिबासी जनजाती महासंघ नगर परिषदको सहयोगमा पालुमटारको आन्तरीक परिचय वाह्य क्षेत्रमा गराउने उद्वेश्यका साथ आयोजना गर्न लागिएको महोत्सवमा स्थानिय साँस्कृतीक भेषभुषा, स्थानिय खानपान तथा स्थानिय उत्पादनको परिचय दिने गरी महोत्सव आयोजना गर्न लागिएको इकाईका अध्यक्ष आशिष देवकोटाले पत्रकार सम्मेलनमा जानकारी दिएँ ।
महोत्सवमा स्थानिय स्तरमा उत्पादन हुने कृषिजन्य सामाग्री, घरेलु उत्पादन, जडिवुटी तथा फलफुलको समेत प्रर्दशन हुने जानकारी गराईएको थियो । पत्रकार सम्मेलनमा बोल्दै इकाईका अध्यक्ष देवकोटाले उत्त क्षेत्रमा रहेको धार्मिक तथा ऐतिहासिक स्थलको समेत परिचय गराउने उद्वेश्य रहेको बताए ।
पहिलो पटक हुने लागेको महोत्सवमा पालुङटार गायन तथा नृत्य तारा, औधोगिक प्रर्दशनी, हस्तकला तथा कृषि प्रर्दशनी, खाना तथा विविध मनोरन्जनात्मक कार्यक्रम, नपा भित्रको विद्यालय स्तरीय वक्तृत्वकला प्रतियोगिता, रमाईलो मेला, आदिवासी जनजातीहरुको झाँकी प्रतियोगिताका साथै शोभा यात्रा र लिगलिग देखी प्याराग्लाईडिङ्गको समेत ब्यवस्था गरीएको अध्यक्ष देवकोटाले पत्रकार सम्मेलनमा जानकारी दिएँ ।
महोत्सवलाई गोरखा उद्योग बाणिज्य संघ र नेपाल पर्यटन बोर्ड पोखरा तथा पालुङटार नगरपालिकाको सहयोग रहने आयोजक संस्थाले बताएको छ ।
महोत्सव फागुन ३ गते देखी १२ गते सम्म स्थानिय माझटार खेलकुद मैदानमा हुने आयोजन संस्थाले जानकारी दिएको छ ।
