कैलासबावु श्रेष्ठ/गोरखा
पौष १५ गते । दुई साता देखी गोरखा बजारमा सञ्चालन हुदै आएको गोरखा महोत्सव सकिएको छ । महोत्सव १० दिन सम्म सञ्चालनमा आएको थियो ।
गोरखा उद्योग बाणिज्य संघको आयोजनामा पौष ५ गते देखी सञ्चालनमा आएको महोत्सव १४ गते समापन गरीएको थियो । सदरमुकामको खेलकुद मैदानमा आयोजना गरीएको महोत्सवमा कृषी तथा घरेलु उत्पादन, जाति विशेषको खानाहरुका साथै जडिवुटी र औधोगिक उत्पादन र सवारी साधान समेत प्रर्दशन तथा बिक्रीका लागि राखीएको थियो ।
महोत्सव अवधीभरमा विभिन्न जातजातीको झाँकी, साँस्कृतीक कार्यक्रमहरु समेत भएको थियो । शुरुवातमा गोरखा दौंडबाट शुरु भएको महोत्सव अन्तिम दिन सम्म पुग्दा दोहरी गितमा समापान गरीएको थियो ।
महोत्सव अवधी भरमा १ लाख २५ हजार मानिसले अवलोकन गर्ने अनुमान गरीएको भएता पनि ५० हजार मानिसले पनि महोत्सव अवलोकन गरेनन । आयोजक संघले जानकारी दिए अनुसार समापन अघी सम्म ४० हजार बरावरको टिक विक्री भएको जानकारी दिएको छ । यस अवधीमा १ करोड ५० लाख बरावरको आर्थिक कारोबार भएको अनुमान आयोजकले गरेको छ ।
महोेत्सवले जिल्लाको व्यापार व्यवसाय र पर्यटन प्रवद्र्धनमा टेवा पुरयायने आयोजक संघको दावी छ । महोत्सवको समापन गोरखा नगरपालिकाका मेयर राजनराज पन्तले गरेका थिए ।