कैलासबावु श्रेष्ठ/गोरखा
पौष ९ गते । राष्ट्रिय गौरव मानिएको बुढीगण्डकी आयोजना चाइनाको गेजुवालाई दिनु गलत भएको विज्ञहरुले बताएका छन् ।
गोरखा सदरमुकाममा विप्लव नेतृत्वको नेपाल कम्युनिष्ट पार्टीगोरखाले आयोजना गरेको अन्तरक्रिया कार्यक्रममा धारणा राख्दै जलश्रोत विज्ञहरुले अहिलेको सरकारले चाईनाको गेजुवा जस्तो बदनाम कम्पनीलार्य निर्माणको जिम्मा दिनु गलत भएको भन्दै तत्कालै निर्णय सच्याउन आग्रह समेत गरे ।
अन्तरक्रिया कार्यक्रममा सहभागी हुन आएका दिपक ज्ञावाली, देवराज पौडेल, गोबिन्द शर्मा पोखरेल र डा.लक्ष्मी देवकोटाले एकै स्वरमा बुढी गण्डकी आयोजना चाइनाको गेजुवालाई दिनु भनेको आयोजना नबनाउने चलखेल भएको समेत आरोप लगाए ।
नेपाल कम्युनिष्ट पार्टीका केन्द्रिय सदस्य गुणराज लोहनीको अवधारणपत्र माथि टिप्पणी गर्दै जलश्रोतविदहरु डा.देवकोटा, ज्ञावाली, पौडेल र पोखरेलले गेजुवाले बनाएको डिपिआर नै गलत भएको भन्दै यो परियोजना नेपाली लगानीमा नेपाली परिवशेमै बनाउनुमा जोड दिए ।
सबै विज्ञहरुले नेपाली पुँजीमा नै आयोजना बन्ने सम्भावनाहरु हुँदाहुँदै यो सरकार मोटो कमिसनको खेलमा लागेकोले पहिलेको निर्णयलाई उल्टाएर चाईनाको गेजुवा कम्पनीलाई दिएको आरोप लगाएका थिए । उनीहरुले सरकारले प्रवाभावित क्षेत्रका सर्व साधारणलाई झुक्काउने काम गरेको र मुआब्जा निर्धारण एवं वितरण प्रक्रिया नै अवैज्ञानिक भएको समेत आरोप लगाए ।
कालो सुचिमा परेको चाइना गेजुवा कम्पनीलाई आयोजना निर्माणको तालाचावी सुम्पनु भनेको सबै नेपाली जनताको भावना माथी खेलबाड गनु भएको भन्दै उनीहरुले त्यसको प्रतिकारमा उत्रिन समेत सर्वसाधरणलाइ आग्रह समेत गरे ।
बुढीगण्डकी आयोजना पछिल्लो गतिविधिका बारेमा बिपल्ब नेतृत्ब नेपाल कम्युनिष्ट पार्टीले विभिन्न चरणमा छलफल तथा अन्र्तक्रिया गरिरहेको छ । केही समय पछि काठमाण्डौ वृहत कार्यक्रम गर्ने तयारी भइरहेको जिल्ला सेक्रटेरी कपिल भट्टले जानकारी दिए ।
नेपाल कम्युनिष्ट पार्टी गण्डक ब्युरोकी इन्र्चाज साबित्रा दुराको अध्यक्षता तथा केन्द्रिय सदस्य गुणराज लोहनीको प्रमुख आतिथ्यतामा भएको कार्यक्रममा नयाँ शक्तिपाटीका केन्द्रिय सदस्य एवं गण्डकी प्रदेशका सांसद हरिशरण आर्चाय, नेपाली काँग्रेसकी मिना अधिकारी लगायतले मन्तव्य राखेका थिए ।