कैलासबावु श्रेष्ठ/गोरखा
मंसिर ३ गते । उत्तरी गोरखाको ब्यावसायीहरुले सेनाले निर्माण गरेको बाटो निर्वाध प्रयोग गर्न नपाएको भन्दै गुनासो पोख्न थालेका छन ।
उत्तरी गोरखाको हावा डाडाँ देखी माछाखोला सम्मको बाटो निर्माण भै सकेको भएता पनि उत्त बाटोमा सवारी साधन चल्न सेनाले अवरोध गर्दा उत्तरी गोरखाका ब्यवसायीहरु मर्कामा परेको गुनासो गरेका हुन ।
हावा डाडाँ देखी सामागाउँ सम्मको बाटोको निर्माण जिम्मा पाएको नेपाली सेनाले बनाएको बाटो निर्वाध रुपमा प्रयोग गर्न पाउनु पर्ने माग समेत गरेका छन । अर्मलादेखी माथि जान सेनाले अवरोध गर्ने गरेको र उनीहरुकै तजविजमा मात्र जान पाउने गरेको एक ब्यापारीले बताए ।
सेनाले निर्माणको गरिरहेको बेनीघाट–आरुघाट–लार्के भञ्जाङ्ग सडक खण्डको आरुघाट गाउँपालिका ३ को अर्मलामा धेरै पहिले देखी सेनाले सर्व साधारणको सवारीलाई बिना अनुमती आउ जाउमा रोक लगाउने गरेको छ ।
सडक निर्माण कार्यदलका सेनानी निशान्त पण्डित क्षेत्रीका अनुसार नितिगतरुपमा सडक निर्माण सम्पन्न भएर आयोजनालाई नबुझाउदा सम्म त्यस क्षेत्र भित्र भएको कुनै पनि दुरघटनाको जिम्मेवारी लिनुपर्ने भएको कारण निर्वाध रुपमा सवारी संञ्चालनमा रोक लगाउनु परेको बताए ।
क्षेत्रीका अनुसार संभावित दुर्घटनाको जिम्मा मात्र नभएर ठुल ठुलामा बम विष्फोट गराउनु पर्ने भएका कारण त्यसता पहराबाट जाने सुख्खा पहिरोले पनि धनजनको क्षेति हुने भएका कारण अवस्था हेरेर मात्र सवारी साधान चल्न दिएको बताए । उनका अनुसार अर्मलामा राखिएको इन्ट्री प्वाइन्टमा सामान्य चेकजाँच र सवारी साधनको नम्बर दर्ता गरेर मात्र सवारी छोड्ने गरिएको बताए ।
सेनाले उक्त कुरा ब्यवसायीहरु सहमत छैनन । सेनाले सामान सम्वन्धीत स्थानमा पुरयाएर फर्कदा पनि अनावश्यक दुख दिने गरेको बताउछन । कार्यदलमा सहभागी सेनाहरु स्थानिय ब्यापारीको लोभमा परेको समेत आरोप लगाए । गत बर्ष मात्रै उत्त बाटो प्रयोग गरेर जाने कुनै पनि सवारी फर्कदा खोलाबाट बालुवा र ढुङ्गा ल्याएर कार्यदललाई दिनु पर्ने बाध्यता बनाउको उनीहरुको गुनासो थियो ।
एक ब्यापारीका अनुसार सडक निर्माण भएपनि खच्चडले ढुवानी गर्नु परेकोले सामान खरीद विक्री गर्दा महंगो पर्न गएको बताउछन ।
उत्त क्षेत्रका सर्व साधारण, ब्यापारी ब्यवसायीहरुले केही समय अगाडी मात्र ट्र¥याक खोलिएको ठाउँमा खाद्यन्न ढुवानी गर्ने साधनलाई निर्वाध चल्न पाउनुपर्ने भन्दै प्रमुख जिल्ला अधिकारीको ध्यानाकर्षण समेत गराएका थिए ।