नरेन्द्र ढकाल/गोरखा
असोज २३ गते । राष्ट्रिय वाणिज्य बैंक गोरखाले आगामी बुधबार घटस्थापनाको दिन बाट नयाँ नोट सटही गर्ने भएको छ । सोका लागि गोरखा शाखाले राष्ट्र बैकमा २ करोड नयाँ नोट माग गरेको बैकका शाखा प्रबन्धक महेन्द्रप्रसाद तिमिल्सीनाले जानकारी दिए । ‘माग्न त २ करोडको नयाँ नोट मागेका छौ, कति रकम आउछ थाहा छैन’ उनले भने ‘आएपछि विरणत सुरु हुन्छ ।’ २४ गते भित्र नयाँ नोट आइसक्ने भएकाले वितरण पनि सुरु गर्न लागिएको उनले बताए । यस अघि आएको नयाँ नोट भने बाणिज्य बैंक भच्चेक, आरुघाट र आँबुखैरनी शाखामा पठाइएको बैंक प्रशासनले जानकारी दिएको छ ।
रकम साटदा भने कुनै पनि बण्डल फुटाएर दिन नसक्ने तिमिल्सीनाले बताए । ‘नयाँ नोट छु्याएर वितरण नगर्ने हाम्रो सोच छ’ उनले भने ‘त्यसरी वितरण गर्दा समय पनि धेरै लाग्छ, गोलमाल पनि बढि हुन्छ ।’ एक÷एक बण्डल लिन मिल्ने गरी नयाँ नोट साट्न आउन बैंकले आग्रह गरेको छ । नोट आबश्यक पर्ने व्यक्तिहरुले बाँडेर लिने गरी ५, १०, २०, ५० र १०० को गरी ५ मुठा नोट लिन सकिने उनले बताए । ‘राष्ट्र बैंकले २७ हजार सम्म साट्न सक्ने भनेको छ, हामी बण्डल छुट्याएर बाढ्न सक्दैनौं’ उनले भने ‘जसलाई जतिको नोट चाहिन्छ बण्डल÷बण्डल लान सक्नु हुन्छ, बरु आवश्यक व्यक्तिहरुले बाहिर बाँडेर लिदा पनि भयो ।’
दशैका बेला नयाँ नोटको प्रयोग अत्याधिक हुने भएकाले नोटको सरसफाईमा पनि ध्यान दिन बैकले आग्रह गरेको छ । नयाँ नोटमा रङ अबिरहरु जस्ता बस्तु प्रयोग नगरिदिन शाखा प्रमुख तिमिल्सीनाले अनुरोध गरेका छन् । ‘५, १० र २० को नोट सबै भन्दा बढि फोहोर हुने गरेको’ उनले भने ‘पुजाआजामा नयाँ नोट प्रयोग नगरिदिन म सबैलाई आग्रह गर्दछु ।’ सर्व साधारणले नोट जतन नगर्दा राज्यलाई ठूलो घाटा भएको भन्दै कडाई सुरु गरिएको छ । नोट बिग्रार्ने, केरमेट गर्ने, रङ्गाउनेलाई कारवाही गर्ने कानून बने पनि कार्यान्वयनमा आउन सकेको छैन ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए