गोरखा समाचारदाता
गोरखा जिल्ला फूटबल संघले नेपालमै पहिलो पटक खेलाडी उत्पादन थालेको छ । अखिल नेपाल फुटबल संघ एन्फाले सञ्चालन गर्न लागेको ग्रासरुट फुटबल कार्यक्रम अन्र्तगत नेपाल मै पहिलो पटक खेलाडीहरु छनोट गरी प्रक्षिण थालिएको गोरखा जिल्ला फूटबल संघका अध्यक्ष दिपेन्द्र श्रेष्ठले जानकारी दिए । ‘हामी हर तरहले गोरखाको फूटबललाई माथि उठाउन चाहान्छौं त्यसका लागि यो पहिलो आधार हुनेछ भन्ने हाम्रो अपेक्षा छ’ उनले भने । ८ देखि १३ वर्षका बालबालिकाहरु छनोट गरी प्रशिक्षण सुरु गरिएको प्रशिक्षक सरोज श्रेष्ठले जानकारी दिए । उक्त कार्यक्रमबारे पूुटबलसंघले जिल्लाका सरोकारवालाहरुसँग छलफल गरेको छ ।
जिल्ला सदरमुकाममा आयोजित अन्तक्रिया कार्यक्रममा अखिल नेपाल फूटबल संघका केन्द्रिय उपाध्यक्ष एवं ग्रासरुट फूटबल कार्यक्रमका संयोजक नेपाली राष्ट्रिय टोलीका पूर्व कप्तान उपेन्द्रमा सिंहले एन्फाले सञ्चालन गर्न लागेको उक्त कार्यक्रमका बारेमा सहभागीहरुलाई जानकारी गराएका छन । ‘नेपालको सबै भन्दा लोकप्रिक खेल फूटबललाई माथि उठाउने यो हाम्रो एउटा कदम हो’ उनले भने ‘यदी ग्रासरुट राम्रो बनाउन सकियो भने हाम्रो फुटबल धेरै माथि उठ्छ ।’
गोरखा नगरपालिका भित्रका सामुदायिक तथा निजि विद्यालय व्यवस्थापन समितिका अध्यक्ष, प्रधानाध्यापक, खेल शिक्षक, गोरखा र पालुङटार क्षेत्रका खेलप्रेमीहरु सहभागी कार्यक्रममा जिल्लाको फूटबल बिकासका लागि गर्नुपर्ने कामका बारेमा उपाध्यक्ष सिहंले जानकारी गराएका थिए । कार्यक्रममा बोल्दै गोरखा नगरपालिकाका प्रमुख राजनराज पन्तले आफ्नो कार्यकाल भित्र गोरखा नगरपालिकालाई फूटबल खेलको नगरीका रुपमा बिकास गर्ने योजना रहेको भन्दै सोही अनुसार नगरपालिकाले लगानी समेत गरेको बताए । ‘म फुटबल खेल्न नजाने पनि हेर्न रुची राख्ने मान्छु हुँ’ उनले भने ‘मेरो कार्यकाल भित्र यो नगरको फूटबललाई धेरै माथि पुरयाउने इच्छा छ ।’
८ देखि १३ वर्ष उमेर समूहका बालबालिकाहरु छनोट गरी बिशेष खालेको तालिम दिने व्यवस्था मिलाइएको छ । नेपालमै पहिलो पटक जिल्ला फुटबलसंघ गोरखा एकेडेमी सञ्चालन गरेको हो । निकट भविष्यमा सदरमुकाम आसपासका विभिन्न विद्यालयहरु विच लिग फूटबल समेत सञ्चालनको तयारी गरिएको छ ।
