गोरखा समाचारदाता
गोरखा नगरपालिका भित्रका महिला जनप्रतिनिधीहरुका लागि दिइएको प्रशिक्षक प्रशिक्षण तालिम सम्पन्न भएको छ । गोरखा नगरपालिकाको सहयोगमा रुपान्तरणका लागि महिला ऐकेवद्धता (उम्यान एक्ट) ले तालिम आयोजना गरेको हो । नगरसभामा रहेका ३१ जना महिला जनप्रतिनिधीलाई लैंगिक समानता र सामाजिक समावेशिकरण तथा क्षमता विकास सम्बन्धि प्रशिक्षक प्रशिक्षण तालिम दिइएको हो ।
‘जनप्रतिनिधी भएर भएर पनि हाम्रा महिला दिदिबहिनीलाई कार्यक्रममा बोल्ने बानीको विकास भएन, हाम्रो दिमागमा पनि हामी महिला पुरुष भन्दा कमजोर नै हुन्छौ भन्ने कुरा हटेन’ उपप्रमुख बिना कुमारी श्रेष्ठले भनिन् ‘सबैभन्दा पहिला हाम्रै क्षमता विकास गर्नुपर्ने छ, अनि मात्रै हामी नगरका, वडाका हरेक विकास निर्माण र सामाजिक काममा नेतृत्व लिन सक्ने हुन्छौ’
नगरभित्र लैंगिक हिंशा न्युनिकरणका निम्ति पनि तालिम उपलब्धीमुलक हुने कार्यालयको बिश्वास छ । ‘नगरलाई अहिले नै लैंगिक हिंशा मुक्त त बनाउन नसकिएला तर न्युनिकरण भने गर्न सकिन्छ, सचेता जगाउन सकिन्छ, क्षमता अभिबृद्धि गराउन सकिन्छ’ उपप्रमुख श्रेष्ठले भनिन् ।
दुइ दिनसम्म चलेको तालिममा सृजना अधिकारी, प्रकाश अधिकारी, कुमार खड्का, खिलनाथ घिमिरेले सहजिकरण गरेका थिए । उपप्रमुख श्रेष्ठको अध्यक्षतामा भएको तालिम समापन कार्यक्रममा नगरप्रुमख राजनराज पन्तको प्रमुख आतिथ्यता रहेको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए