कैलासबावु श्रेष्ठ/गोरखा
जेष्ठ ७ गते । जिल्लामा लागु औषध र पशु करणी गरेको आरोपमा ३ जना पक्राउ परेका छन । उनीहरुलाई प्रहरीले विशेष सुराकीको आधारमा पक्राउ गरीएको जिल्ला प्रहरी कार्यालय गोरखाले जानकारी दिएको छ ।
कार्यालयले दिएको जानकारी अनुसार लागु औषध सहित गोरखा नगरपालिका ६ दरर्बार मार्गका बिमल मरहट्टा र सुरेश थापालाई पक्राउ गरीको छ । गोरखा बजारको तिनधारे स्थित सार्वजनिक स्थानमा लागु औषध प्रयोग गरेको भन्ने सुचनाका आधारमा प्रहरीले दुवैलाई पक्राउ गरेको थियो । पक्राउ परेका मध्ये मरहट्टाको घरमा खानतलासी लिएको थियो । खानतलासीबाट एम्काडोल १ सय एमजिको १४ ट्याबलेट, भोमिनिल ५ एमजिको २ ट्याबलेट बरामद भएको जानकारी दिएको छ ।
त्यस्तै गरी पशु करणीको आरोपमा गोरखा नगरपालिका ६ निवासी बिक्रम मालबुललाई प्रहरीले पक्राउ गरेको छ । सदरमुकामको चन्दनी चौतारी स्थित राजन सिर्मलको घरमा बाधेको बाख्रालाई करणी गरेको भन्दै मालबुललाई पक्राउ गरेको जिल्ला प्रहरी कार्यालय गोरखाले जानकारी दिएको हो । दुवै अपराधमा पक्राउ परेकाहरुको बिषयमा थप अनुसन्धान भै रहेको कार्यालयले जनाएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए