गोरखा समाचारदाता
भर्खरै निर्माण भएको नेपाल कम्युनिष्ट पार्टीमा गोरखाका ५ जना केन्द्रिय सदस्य बनेका छन । सोमबार साँझ सम्म प्राप्त जानकारी अनुसार माओवादी केन्द्र तर्फका ४ र नेकपा एमालेबाट १ गरी ५ जना केद्रिय समिति चयन भएका हुन् ।
ती मध्ये माओवादी केन्द्रका वरिष्ठ नेता नारायणकाजी श्रेष्ठ स्थायी कमिटीसँगै नेताहरुको र्शीष टिममा समेत अटाएका छन् । यसैगरी केन्द्रिय सचिवालय सदस्य हितराज पाण्डे, प्रदेश नम्बर ४ का संयोजक हरीराज अधिकारी र लेखनाथ न्यौपानेलाई केन्द्रिय सदस्यमा चयन भएको खबर सार्वजानिक भएको छ । माओवादी केन्द्रले तत्कालिन सचिवालय सदस्यहरूलाई स्वत केन्द्रीय सदस्य बनाएको हो ।
यसैगरी नेकपा एमालेका बैकल्पीक केन्द्रिय सदस्य रामशरण बस्नेत पनि केन्द्रिय सदस्यमा चयन भएका छन् । प्रदेश नम्बर ४ का प्रवक्ता समेत रहेका बस्नेत यस अघि एमालेको बैकल्पिक केन्द्रिय सदस्य थिए । अन्य सदस्य चयन बारे दुबै पक्ष छलफलमा रहेको यो संख्या बढ्न सक्ने जानकारहरु बताउँछन् ।
