गोरखा समाचारदाता

जेष्ठ ६ गते । अधिवेशन भएको लामो समय पनि नेपाली कांग्रेसको जिल्ला कार्यसमितिले पूर्णता पाएको छ । शनिवार जिल्ला पार्टी कार्यालय तिनधारेमा बसेको बैठकले पूर्व सचिव सुकदेव दवाडीलाई उपसभापतीमा मनोनय गरेसँगै जिल्ला कार्यसमितिले पूर्णता पाएको हो ।

जिल्ला सभापती हरि बहादुर घलेको अध्यक्षता तथा केन्द्रिय सदस्य एवं राष्ट्रिय सभा सदस्य सुरेन्द्रराज पाण्डेको प्रमुख आथित्यतामा भएको बैठकले दवाडीलाई उपसभापतीमा चयन गर्ने सहित ७ वटा महत्वपूण निर्णय गरेको प्रवक्ता नारायण लामिछानेले जानकारी दिए । ‘पार्टीको नियमित बैठक बसेका थियौं, उपसभापती चयन र केही महत्वपूर्ण निर्णयहरु गरेका छौ’ उनले भने ।

आकाक्षी धेरै भएपछि महाधिवेशन भएका लामो समय सम्म पनि  कांग्रेसले कार्यसमितिलाई पूर्णता दिन सकेको थिएन् । अन्ततः पूर्व सचिव एवं कांग्रेस गोरखामा सालिन नेताको छवी बनाएका सुकदेव दवाडीको नाममा सहमती जुटेपछि समितिले पूर्णता पाएको हो । सिम्जुङमा जन्मिएका दवाडी कांग्रेसको पेशागत सगठन हुँदै मुलधारको राजनितिमा प्रवेश गरेका हुन् ।

बैठकले कांग्रेस गोरखाको सगठन सुदृढीकरणका लागि विभिन्न कार्यक्रमहरु सञ्चालन गर्ने निर्णय समेत गरेको लामिछानेले बताए । ‘अहिले हाम्रो ध्यान संगठन सुदृढीकरणमा केन्द्रित छ फेरिएको राज्य संरचना अनुसार अगाडी बढ्ने निर्णय भएको छ ।’ सोही अनुरुप कांग्रेस जिल्लाका सबै स्थानीय तहमा कार्यसमिति निर्माण गर्ने भएको छ ।

यद्यपी नगरपालिकामा कांग्रेसको कार्यसमिति क्रियाशिल छ । उक्त अभियान अन्र्तगत गाउँपालिकाहरुमा कार्यसमिति निर्माण गर्न लागिएको उनले बताए । निर्वाचन पछि हालसम्म जिल्लाका अधिकाशं स्थानीय तहमा तिन चरणको अभियान सञ्चालन भइसकेको कांग्रेसले बताएको छ । जस अन्र्तगत चुमनुब्री, धार्चे, अजिरकोट, सिरानचोक, गण्डकी पालुङटार नगरपालिका, सहिद लखन गाउँपालिकाको घैरुङ र मनकामना, भिमसेन थापा आरुघाट गाउँपालिका अभियान सम्पन्न भइसकेको र बाँकी स्थानमा पूर्णता दिएर चौथो चरणको अभियान सुरु गर्ने तयारी भएको जिल्ला सहसचिव समेत रहेका प्रवक्ता लामिछानेले जानकारी दिए ।

११ स्थानीय तह रहेको गोरखामा ९ स्थानमा जितेको काग्रेसले ४ वटा प्रदेश मध्ये १ वटामा मात्र बिजय प्राप्त गरेको थियो । प्रतिनिधि सभाको २ क्षेत्र रहेको गोरखामा कांग्रेसको प्रतिनिधित्व नै छैन् । स्थानीय तह निर्वाचन जितेको कांग्रेसले अन्य निर्वाचनहरुमा लज्जापद हार व्यहोरेपछि संगठन सुदृढीकरणलाई तिब्रता दिएको दाबी गरेको छ । यसैविच नेपाल तरुण गोरखा पनि एक कार्यक्रम गरेको छ ।

देशव्यापी रुपमा भएको कार्यक्रम अन्र्तगत गोरखामा पनि तरुणदलले आफू मातहतका नेता कार्यकता प्रशिक्षण दिएको जनाएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए