यसमध्ये मेघौलीको जानकी मावि, सरस्वती माविका मतदान केन्द्रको मतगणना भएको छ। पाण्डेको पकड रहेको यस क्षेत्रका मतपेटिका रमाइलोडाँडा–‘क’, ‘ख’ र ‘ग’ का मतपेटिकासँगै मिलाएर गणना गरिएको थियो। पाण्डेको पकड क्षेत्रका मतपेटिकाका कारण प्रचण्डको खासै अग्रता बढ्न सकेन।

यसमध्ये जानकी मावि र रमाईलो डाँडा ‘क’ को संयुक्त मतगणनामा प्रचण्डले जम्मा ३९ मतले अग्रता लिन सके। त्यो गणनामा पाण्डेले ६ सय १ मत पाउँदा प्रचण्डले ६ सय ४० मत पाएका छन्। सरस्वती मावि र रमाइलोडाँडा ‘ख’ को मतपेटिका मेघौलीकै सरस्वती मावि मतदान केन्द्रको पेटिकासँग संयुक्त रुपमा गणना गर्दा पनि प्रचण्डले झिनो मतान्तरमात्र पाए। यी दुई मतदान केन्द्रको गणना गरिँदा प्रचण्डको पक्षमा ६ सय ३८ मत खस्यो भने पाण्डेले ५ सय ५७ मत पाए।

यसैगरी रमाइलोडाँडा ‘ग’ र मेघौलीको सरस्वती माविकै अर्काे केन्द्रको संयुक्त मतगणनामा चाहिँ प्रचण्डले एक सय भन्दा बढि मतको अन्तर लिए। त्यहाँको गणनामा पाण्डेले ५ सय २५ मतमात्र पाउँदा प्रचण्डले भने ६ सय ५८ मत पाएका छन्।

अहिलेसम्मको गणना परिणाम अनुसार पाण्डे भन्दा प्रचण्ड ४ हजार ३ सय १३ मतले मात्र अगाडि छन्। प्रचण्डले १३ हजार ३ सय ८७ मत पाएका छन् भने पाण्डेले ९ हजार ७३ मतका साथ प्रचण्डलाई पछ्याइरहेका छन्।

nepalkhabar