कैलासबावु श्रेष्ठ/गोरखा
भाद्र १८ गते । गोरखालाई साक्षर जिल्ला घोषणा लगत्तै जिल्ला भित्र रहेका साक्षर र पढ्दा पढ्दै विद्यालय छोडेकाहरुलाई कम्तिमा एसइइ सम्मको शिक्षा दिने गरी जिल्लामा थप ५ वटा अनौपचारीक प्रौढ विद्यालय संचालनमा ल्याईएको छ ।
अनौपचारिक शिक्षा केन्द्र अन्तर्गतको यो कार्यक्रम सामुदायिक अध्ययन केन्द्र मार्फत कार्यान्वयन गरिएको उप जिल्ला शिक्षा अधिकारी ठाकुर जि तिवारीले बताए । १५ देखि ४५ वर्ष उमेर समुहका निरक्षर ब्यक्तिलाई ६ वर्षमा १० कक्षा पास गराउने अनौपचारिक विद्यालय संचालन गरिएको हो । हाल पाँच विद्यालयमा सो उमेर समुहका ८९ विद्यार्थी अध्ययन गरिरहेको जिल्ला शिक्षा कार्यालयको रेकर्डमा छ । थप ७५ विद्यार्थीलाई अनौपचारीक प्रौढ कक्षामा सहभागी गराएर अध्ययन गराई रहेको कार्यालयले जनाकारी दिएको छ ।
यस वर्ष मान्वु सामुदिक सेवा केन्द्र मान्वु, जनचेतना सामुदायीक सेवा केन्द्र फुजेल, वगुवा सामुदायीक सेवा केन्द्र वगुवा, ताकुकोट सामुदायीक सेवा केन्द्र ताकुकोट र जनजागृति सामुदायीक सेवा केन्द्र मिरकोटमा अनौपचारिक प्रौढ विद्यालय सञ्चालन गरिएको छ । अनौपचारीक प्रौढ कक्षा अध्ययन गरेका विद्यार्थीले १ देखि ५ सम्म ३ वर्षमा ,६ देखी ८ कक्षा सम्म २ वर्षमा र ९–१० एक बर्षमा पास गर्नेछन् । अनौपचारीक तवरले पढ्न चाहनेहरुलाई लक्षित गरेर कक्षा संचालन गरिएको उप जिल्ला शिक्षा अधिकारी तिवारीको भनाइ छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए