- फोटो प्रर्दशनी र तालिम पनि
कैलासबावु श्रेष्ठ/गोरखा
भाद्र १४ गते । बढ्दो पर्यटकको चापलाई ध्यान दिदै गोरखा संग्रालयमा नयाँ ग्यालरी खुल्ला गरीएको छ । नयाँ ग्यालरीमा जनजातीका साथै गोरखा सम्वन्धी डकुमेन्ट्री देखाउने कक्ष समावेश गरीएको छ । ‘अहिले खुल्ला गरीएको ग्यालरीमा बिशेषत जनजातीको भेषभूषा झल्कने जातजातीको डमी र गोरखालाई चिनाउने डकुमेन्ट्री रहेको’ गोरखा संग्रालयकी प्रमुख करुना राईले बताईन ।
बुधबार संग्रालयकै प्राङ्गणमा एक कार्यक्रम गरी नयाँ ग्यालरीको उदघाट्न गरीएको थियो । गोरखा नगरपालिकाका मेयर राजनराज पन्तले उदघाटन गरेको उत्त ग्यालरीमा नेवार, तामाङ्ग, गुरुङ्ग, बराम, चेपाङ्ग, मगर, घले, क्षेत्री गरी आठ जातीको भेषभूषा झल्कने गरी डमी राखीएको छ । ग्यालरीका लागि ३ वटा कोठा थप गरीएको गोरखा संग्रालयले जानकारी गराएको छ ।
थप गरीएको ग्यालरीमा गोरखा दरर्बार र गोरखा संग्रालयको इतिहास झल्कने गरी डकुमेन्ट्रीमा प्रर्दशन कक्ष समेत रहेको छ । ‘डकुमेन्ट्रीले गाईडको काम समेत गर्छ । संग्रालय अबलोकन गर्न आउने जो कोहीले पनि अब देखी पहिलो पटक डकुमेन्ट्री हेर्छ अनि संग्रालय अबलोकन गर्न जान्छ । यसो गर्दा गोरखा दरर्बार र गोरखा संग्रालयको बिषयमा थप जानकारी हुने’ संग्रालय प्रमुख राईले बताईन ।
३ दिने संम्पदाहरुको फोटो प्रर्दशनी
गोरखा संग्रालयको भित्री भागमा पुरातत्व विभागले महत्वपूर्ण सम्पदाहरुको फोटो प्रर्दशनी समेत गरेको छ । देश भरीका विभिन्न स्थानको फोटो प्रर्दशनी हेर्न जिल्ला भित्रबाट स्कुले बिद्यार्थीहरुका साथै सर्व साधारणहरुको उपस्थिती रहेको थियो ।
निशुल्क प्रवेश पाउने उत्त फोटो प्रर्दशनी शुक्रबार सम्म चल्ने छ ।
सम्पदाको संरक्षण सम्वन्धी ५ दिने तालिम पनि
पुरातत्व विभागले ऐतिहासिक सम्पदाको संरक्षण कसरी गर्ने भन्ने बिषयमा गोरखा र नुवाकोट जिल्लाका शिक्षकहरुलाई ५ दिने अभिमुखीकरण कार्यक्रम समेत आजै संञ्चालनमा ल्याएको छ ।
शिक्षकले पाएको जानकारी बिद्यार्थीमा जाने र बिद्यार्थी सचेत भए संपदा संरक्षण र जिर्णोद्वारमा सहज हुने भन्दै बिभागले बुधबार देखी जिल्ला सदरमुकामको सूचना केन्द्रमा अभिमुखीकरण कार्यक्रम सञ्चालनमा ल्याएको हो ।
दुवै जिल्लाको गरी १० स्कुलका १० शिक्षकलाई दिने अभिमुखीकरण कार्यक्रम सनिबार सम्पन्न हुने छ ।
विभाग प्रमुख भेष नारायण दाहालको समेत उपस्थिती रहेको अभिमुखीकरण कार्यक्रममा सहभागी शिक्षकहरुलाई बिज्ञ राम कुवरले प्रशिक्षण गराउने विभागका प्रमुख दाहालले जानकारी दिए ।
