कैलासबावु श्रेष्ठ/गोरखा
भाद्र १ गते । गएको २ साता देखी गोरखाको बारपाक क्षेत्रमा फैलीएको सिजनल फ्लूका कारण बिरामीको संख्या बढन थाले पछि बिरामीहरुको नमूना संकलनका लागि जिल्ला स्वास्थ्य कार्यालयको १ टोली बारपाक पुगेको छ ।
आवश्यक सामाग्री सहित बारपाक पुगेको टोलीले नमूना संकलन गरी ल्याउने र नमूना राष्ट्रिय प्रयोग शालामा पठाउने तयारी गरेको जिल्ला स्वास्थ्य कार्यालय गोरखाका निमित्त कार्यालय प्रमुख नरजंङ्ग ठकुरी बताए छ । संकलीत नमूनाको परिणाम सोही दिन प्रयोग शालाले दिने भएका कारण बारपाकबाट गोरखा सदरमुकाम सम्म ल्याउन नमूनालाई उचित तामक्रममा ल्याउनु जोखिम रहेको कार्यालय श्रोतले जानकारी दिएको छ ।
टोलीले बिरामीहरुलाई विभिन्न समूहमा बाडेर बिरामीहरुको नमूना संकलन लिने जिल्ला स्वास्थ्य कार्यालय गोरखाका महामारी शाखा प्रमुख नानीबावु दानीले बताए । समूह विभाजनमा पुराना रुघाँ खोकी लागेका बिरामी, २ देखी ४ दिन देखी बिरामी भएका र नमूना लिने दिनमा बिरामी भएका र निको भई सकेकाहरुको समूहबाट बढीमा १० जनाको रगत र घाँटीको रयाल् नमूनाको रुपमा लिईने छ ।
सुलिकोट गाउँपालिका १ र २ मा अहिले बिरामीहरुको संख्या ३ सय भन्दा बढी भएको अनुमान गरीएको छ । कार्यालयले दिएको जानकारी अनुसार सिजन फ्लूको कुनै नि औषधी नहुने भएका कारण मानिसहरुको समूहमा नजाने, दैनिक धेरै पटक झोलिलो बस्तु पिउने र हाछ्यु गर्दा नाक, मुख थुनेर गरेमा बिरामीको संख्यामा बृद्वि नहुने महामारी शाखा प्रमुख दानीको भनाई छ । ‘औषधी प्रयाप्त छ । भाईरल जरो हो । भाईरलको औषधी हुदैन । मासमा नजाने, झोलिलो चिज बढी खाने, हाछ्यु गर्दा मुख छोप्नुपर्ने’ दानीको बताए ।
सिजन फ्लूकै कारण ३ बर्षिया बालिका सुप्रिया गुरुङ्गको मृत्यु भएको खबर बाहिर आएता पनि मृत्युको कारण भने अहिले सम्म खुल्न सकेको छैन । बालिका गुरुङ्गको बुधबार मृत्यु भएको थियो । बारपाक स्वास्थ्य चौकीमा उपचार गराएका गुरुङ्गको निमोनियाको कारण मृत्यु भएको स्वास्थ्य चौकी प्रमुख अनिल शाहको भनाई छ ।
बिरामी सबैमा रुघाँ र खोकी साथै जरो पनि देखीए छ । बालबालिका र बृद्व बृद्वा बढी बिरामी देखीउको उत्त क्षेत्रमा बुधबार नै नजिकै रहेको जौबारी प्रार्थमिक स्वास्थ्य चौकीबाट स्वास्थ्य कर्मीको टोली बारपाक पुगी सकेको छ ।
बर्षा संगै पिउने पानीमा खराबीका कारण पनि बिरामीको संख्या धेरै भएको हुन सक्ने अनुमान स्वास्थ्य कार्यालयको अनुमान गरेको छ ।
