गोरखा समाचारदाता
साउन ३१ गते । तेश्रो तीज मेला अन्तर्गत सोमबार भएको तीज गीत प्रतियोगितामा नयाँ बसपार्क समूह पहिलो भएको छ । १३ टिमलाई पछि पार्दै नयाँ बसपार्क समूह पहिलो हुनुका साथै २० हजार नगद पुरस्कार जितेको छ ।
प्रतियोगितमा शुभकामना महिला समूह हरमटारी दोश्रो,लोकतान्त्रिक महिला समूह हरमटारी तेश्रो र शुभलक्ष्मी महिला समूह सान्तना भएका छन् । दोश्रो तेश्रो र सान्तोना हुनेले क्रमश १५ हजार,१० हजार र ३ हजार नगद पुरस्कार पाएका छन् । महिला उद्यमीहरुको चुनौति र अबसर र्शीषकमा भएको उक्त प्रतियोगितामा विजेताहरुलाई गोरखा नगरपालिकाकी उप प्रमुख बिना श्रेष्ठले पुरस्कार एवं प्रमाणपत्र बितरण गरेकी हुन् ।
मेलाको समापन गर्दै श्रेष्ठले कला र सस्कृतिको संरक्षण गर्दै स्थानिय उत्पादनको प्रवद्धनका लागि गोरखाका महिलाहरुले गरेको प्रयास सरानिय रहेको बताइन् । महिला उद्यमशिल भए मात्र उक्त परिवार सक्षम बन्ने भन्दै श्रेष्ठले सम्पुर्ण महिलाहरु आयआर्जनका बाटो लाग्नुपर्नेमा जोड दिइन् । प्रतियोगितमा उत्कृष्ट नृत्य प्रस्तुत गर्नेहरु राममायाँ खत्री र सोबिता पाण्डेले मोबाइल, पद्यम कुमारी खत्रीले ढाकाको सल, लक्ष्मी श्रेष्ठ र सर्मिला वाग्लेले कुर्ता सलवार, शकुन्तला खत्रीले व्याग, स्वर्णकार महिला समूहले सुनको तिलहरी र नेवा दगु समूहले पाउजु जितेको आयोजकले जानकारी दिएको छ ।
गोरखा सदरमुकामकाम रानीपोखरी परिसरमा ३ दिन सम्म चलेको मेलामा ३४ सय ४८ जनाले दर्शकहरुले अवलोकन गरेको टिकट व्यवस्थापनको जिम्मा लिएको लियो क्लव अफ गोरखाले जानकारी दिएको छ । टिकट मार्फत ३४ हजार ८४० रुपयाँ संकलन भएको छ । लियो क्लवले उक्त रकमबाट प्रति टिकटको २ रुपयाँ पाउने लियो क्लव अफ गोरखाका पूर्व अध्यक्ष रञ्जित कुमार श्रेष्ठले जानकारी दिए । मेलामा महिला उद्यमीले उत्पादन गरेको घरेलु उद्यम सँग सम्बन्धित सामान, मोबाइल, खानाका स्टल गरी २० वटा स्टल राखिएको थियो ।