गोरखा समाचारदाता
साउन ३१ गते । गाईजात्रा तथा रोपाइ जात्रामा उत्कृष्ट प्रस्तुती देखाएर गोरखकाली साँस्कृतिक समूह खिरेपानी हिले पोखरी पहिलो भएको छ ।
पृथ्वी साँस्कृतिक परिवार गोरखा र गोरखा नगरपालिकाको सयुक्त आयोजनामा भएको उक्त प्रतियोगितामा पहिलो हुँदै गोरखकालीले नगर २० हजार र प्रमाणपत्र पाएको छ । प्रतियोगितामा छिपीटोल साँस्कृतिक समूह दोश्रो र मैदानकाली टोल बिकास संस्था तेश्रो भएका छन् ।
दोश्रो र तेश्रो हुनेले क्रमश १५ हजार र १० हजार नगद पुरस्कारका साथमा प्रमाणपत्र पुरस्कार पाएका छन् । प्रतियोगितामा सहभागी सबै समूहलाई सान्तोना घोषणा गरी नगद ५ हजार पुरस्कार प्रदान गरिएको आयोजकले जानकारी दिएको छ ।
पाटेचौर टोल बिकास संस्था, चण्डी साँस्कृतिक समिति, तिनधारे टोल बिकास सस्था, पदेली टोल बिकास सस्था र लाखे नाच समूह ढाडलाई सहभागीता स्वरुप सान्तोना पुरस्कार प्रदान गरिएको हो । केही समूहले एक दिन मात्र प्रस्तुती देखाएकाले उनीहरुलाई भने पुरस्कार प्रदान नगरिएको आयोजकले बताएको छ ।
पृथ्वी सास्कृतिक परिवारका अध्यक्ष अम्मर थापा मगरको अध्यक्षता तथा गोरखा नगरपालिकाका प्रमुख राजनराज पन्तको प्रमुख आतिथ्यतामा भएको कायक्रममा पृथ्वी साँस्कृतिक परिवारका उपाध्यक्ष हरी कुमार श्रेष्ठ र नगरप्रमुख पन्तले मन्तव्य राखेका थिए ।