मोहसिन अलि मियाँ/गोरखा
साउन २९ गते । सिंचाईमन्त्री संञ्जयकुमार गौतमले भुकम्पले ध्वस्त भएका सिंचाइ आयोजना पुनःनिर्माणको कामलाई प्राथमिकता दिने बताएका छन् । शनिवार गोरखा सदरमुकाम आएका मन्त्री गौतमले सिंचाइ बिना कृषिमा विकास नहुने भन्दै भुकम्पले भत्काएका संरचनालाई पहिलो प्राथमिकतामा राख्ने बताएका हुन । ‘गोरखा भुकम्पको केन्द्र जिल्ला पनि हो, यहा धेरे सिंचाईका कुलोहरु भत्किएका छन्, तिनको पुननिर्माण र मर्मतमा काम भैरहेकोछ, अझै प्रभावकारी रुपमा निर्माणको कामलाई अघि बढाउन मेरो बिशेष पहल रहनेछ’ ।
पहाडी क्षेत्रमा लिफ्ट र थोपा सिंचाईबाट उत्पादन बढाउन सकिने भन्दै उनले गोरखाका छेपेटार, पालुंटार लगायतका ठुला फाँटलाई सिंचित गराउन योजना बनाएर काम थाल्न जिल्लामा रहेको सिंचाई डिभिजनलाई निर्देशन दिएको बताएका छन् । एक फरक प्रशंगमा बोल्दै मन्त्री गौतमले सरकारले मधेशीदल सँग समन्वय र वार्र्ता गरिरहेकाले दुरी घटेको बताउँदै उनले प्रतिपक्षी दललाई पनि राष्ट्रिय सहमतीका लागि लचकता अपनाउन र संविधान कार्यन्वयनमा सबैलाई एक जुट भएर सरकारलाई सहयोग गर्न अनुरोध गरे ।
संबिधान बेद, गिता जस्तो नभएकाले समयानुकुल परिमार्जन गरेर अघि बढ्नु पर्नेमा समेत उनले जोड दिए । शनिबार देखि तिन दिनसम्म रानीपोखरीमा चल्ने तिज मेलाको उद्घाटन कार्यक्रममा बोल्दै मन्त्री गौतमले महिलालाई घर भित्र मात्रै सिमित नभई उद्यमी भएर समाजमा चिनिन आग्रह समेत गरे ।
महिला उद्यमी बिकास समिति गोरखाकी अध्यक्ष बिष्णु मास्केको अध्यक्षतामा भएको उद्घाटन कार्यक्रममा नेपाली कांग्रेसका केन्द्रिय सदस्य सुरेन्द्रराज पाण्डे, जिल्ला समन्वय समितिका प्रमुख अशोक गुरुङ, गोरखा नगरपालिका प्रमुख राजनराज पन्त, प्रमुख जिल्ला अधिकारी जितेन्द्र बस्नेत, नेपाली कांग्रेसका जिल्ला सभापति हरिबहादुर घले, नेकपा एमालेकी सम्झना देवकोटा, उद्योग बाणिज्य संघका अध्यक्ष श्रवणकुमार जोशी, पत्रकार महासंघका अध्यक्ष किशोरजग थापा लगायतले धारणा राखेका थिए ।
मेलाको उद्घाटन कार्यक्रममा बोल्नेहरुले तिजगित प्रतियोगिताले महिलाहरुको हक अधिकार र समाजमा अगाडी बढ्न महत्वपूर्ण भुमिका खेल्ने अवसर सिर्जना गर्न मद्धत पुग्ने धारणा राखेका थिए ।
यस्तै तिज मेलामा घरेलु उद्योगबाट उत्पादित ढाकाका उत्पादन सँगै खानाका स्टल पनि राखिएको छ । महिलाहरुलाई उद्यमी बनाएर स्वरोजगार बनाउने उद्देश्यले मेला आयोजना गरिएको महिला उद्यमी बिकास समितिकी अध्यक्ष मास्केले बताएकी छिन् । मेलाको अवसरमा रानीपोखरी परिसरमा डुङ्गा सयर गर्न पाउने ब्यवस्था समेत मिलाइएको छ ।
मेलाको अवसरमा सर्वोच्च शिखर सगरमाथा आरोहण गरेर किर्तिमान कायम गरेकी गोरखाकी २३ वर्षिय युवती नानीमाया गुरुङलाई महिला उद्यमी बिकास समितिले सम्मान गरेको छ । त्यस्तै ढाका ब्यवशायी रुपा गुरुङ, सौन्दर्य कला ब्यवशायी रिना गुरुङ र सिलाई कटाई ब्यवसायी रोजीना श्रेष्ठलाई सफल उद्यमीको रुपमा समितीले प्रशंसापत्र र दोसल्ला ओढाएर सम्मान समेत गरेको छ ।
