गोरखा समाचारदाता
असार १२ गते । स्थानिय तहमा निर्वाचित गाउँ/नगरपालिका प्रमुख तथा उपप्रमुखहरुको प्रदेशहरुको भेलाले गोरखाका ईश्वर पाण्डेलाई संयोजकमा चयन गरेको छ । केही दिन अघि सकिएको स्थानिय तह निर्वाचनमा बिजयी ४ नम्बर प्रदेश अन्तर्गत ११ जिल्लाका गाउँ तथा नगरपालिकाका प्रमुख उपप्रमुखहरुको भेलाले भिमसेन गाउँपालिकाका अध्यक्ष ईश्वर पाण्डेलाई गाउँपालिका समन्वय समितिको संयोजकमा चयन गरेको हो ।
पाण्डेको अध्यक्षतामा गठन भएको उक्त समितिका सदस्यहरुमा बिष्णुप्रसाद भट्ट, लक्ष्मी पाण्डे, जोगलाल बुढा, दिर्घनारायण अर्याल, राजेन्द्र कृष्ण श्रेष्ठ, युवराज कुँवर, बेद बहादुर गुरुङ, सुदिर कुमार पौडेल, अर्जुन गुरुङ, जश्मिन गुरुङ, शर्मिला गुरुङ र दिल कुमार पुन रहेका छन् । उक्त समितिले स्थानियतहका जनप्रतिनिधी हरुको हक अधिकारका बारेमा वकालत गर्ने बताईएको छ ।
गाविस महासंघका महासचिव भिम ढुङ्गानाको अध्यक्षतामा भएको उक्त कार्यक्रममा प्रदेश नं ४ का ११ जिल्लाका प्रमुख तथा उपप्रमुखहरुलाई आफ्नो काम, कर्तवय र अधिकारबारे अभिमुखिकरण गरिएको थियो
