गोरखा समाचारदाता
सडक निर्माणको बिषयलाई लिएर गोरखा नगरपालिका वडा नं. ४ स्थित फिनाममा विवाद भएको छ । फिनामको पुतली बगैँचामा सडक खन्ने बारेमा विवाद चर्किए पछि एक समूहले स्थानीय तिन जनालाई निर्घात कुटपिट गरेका छन् । कुटपिटमा परी घाइते हुनेमा स्थानीय कृष्ण खत्री, भरत खत्री र रामकुमार खत्री रहेको जिल्ला प्रहरी कार्यालय गोरखाका डिएसपी बिरेन्द्र थापाले बताएका छन् ।
घाइतेहरुको जिल्ला अस्पतालमा सामान्य उपचार पछि काठमाण्डौँ रिफर गरिएको छ । सुमन थापाको नेतृत्वमा अएका ६ जनाको समुहले आफु माथी कुटपिट गरेको घाइतेहरुले आरोप लगाएका छन् ।
यता प्रहरीले कुटपिटमा संलग्न भएको आरोपमा तिन जनालाई पक्राउ गरेको जनाएको छ । पक्राउ पर्नेहरुमा सन्तोष थापा, सुरज थापा र रण बहादुर थापा रहेको प्रहरीले बताएको छ ।
नगरपालिकाबाट विनियोजन भएको दुई लाख रुपैयाँबाट सडक निर्माण गर्ने बिषयमा शनिबार बिहान भएको बैठकमा विवाद हुदा उनिहरुले आक्रमण गरेको स्थानीयले आरोप लगाएका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए